ယ့ၫၡုၬဒုၭထီးလၩ့ၥၭဘၪဆဲၫ့ၦကွ့ၭလံၬအဆၧၥီၪ့ ဆၧၥၫ့လဖၪ.(မၫကၨၭ ၁၂:၃၈-၄၄)
ယ့ၫၡုၬဒုၭထီးလၩ့ၥၭဘၪဆဲၫ့ၦကွ့ၭလံၬအဆၧၥီၪ့ ဆၧၥၫ့လဖၪ.
(မၫကၨၭ ၁၂:၃၈-၄၄)
အဝ့ၫဒၪစံၭၦလဖၪနီၪ လၧအဆၧၥီၪ့ဆၧၥၫ့အဖၧၩ့, ထီးလၩ့နၥံၪအၥၭလၧၦကွ့ၭလံၬၥံၪဆံၭ.ၦလဖၪနီၪ, အဲၪဒိၭဝ့ၫလၧ အလ့ၩဆၧနီၪ ၥိၭဆဲၫ့ထီၫထီၫလ့ၬ, ဒဲလၧၦချဲၩ့ဒုၪ့ဝ့ၫလၧဖၠၫဖၧၩ့ ဒဲလးဆၧၫ့နၩ့လၧအဂ့ၩထုၬ လၧၥရိၬဖၧၩ့, ဒဲလးအဂ့ၩလၧဆၧဘိၪ့ဖၧၩ့နီၪ မွဲၦလၧအအၪ့ယုလၩ့ခွံၬၦမုၪမဲၫအဂံၪ့ၥံၪတၭ, ဘဲၫဆၧမိဖျီၪထၪ့လၧအဂးနီၪ, အဝ့ၫၥံၪဘၩဆိၪဖၪ ဆၧထီၫထီၫလ့ၬလီၫ. အခိးမွဲအဝ့ၫၥံၪ မိဘၪဆၧစ့ၩရၫ့ နၭထၪ့လခီၫဒံၭလီၫ.
ၦမုၪမဲၫအဆၧဖ့ၪမၩဘိၪ့.
ယ့ၫၡုၬဆၧၫ့နၩ့ လၧစ့ၩအီၪကီၪ့အလး အမ့ၬယၫတၭ, ယိဝ့ၫလၧၦခမျၧးခွံၬလၩ့ဆၧလၧစ့ၩအီၪကီၪ့ အလးအဖၧၩ့လီၫ. ၦၥထံၫအၪဂၩခွံၬလၩ့အၪအၪလ့ၬလီၫ. ၦမုၪမဲၪအၡၪ့လဂၩဂဲၫတၭ, ခွံၬလၩ့ကၭနံၫဘံၪ့လၧအကဲၪထၪ့ဝ့ၫထီးလဘံၪ့လီၫ. အဝ့ၫဒၪကိၭန့အထံၩအဖျဲၥံၪတၭ, စံၭဝ့ၫ, ယလီၩဘၪနၥံၪတီၩတီၩယီၩ, ၦလၧအခွံၬလၩ့ဆၧ လၧဆၧအီၪက့ၪကီၪ့အလးနီၪ, ၦမုၪမဲၪအၡၪ့လဂၩယီၩ ခွံၬလၩ့ယူၭ ဆၧအၪနဲၪ့အဝ့ၫၥံၪကိၭဂၩဒ့ၭယူၭ. အဂဲးဘဲၫယီၩ အဝ့ၫၥံၪနီၪ, ကိၭဂၩဒ့ၭခွံၬလၩ့ဝ့ၫ လၧအဆၧဎွ့ၩလၨၪခွံၬလၩ့ဘျဲၪလီၫ. အ့ၪမွဲၦမုၪလဂၩယီၩ, လၧအဆၧလလၧၫ့လဎွ့ၩဘၪအဖၧၩ့ လၧအဘုၪအၪ့ဘုၪအီၩ အၥၭထီးအလူၬနီၪ, ခွံၬလၩ့ဝ့ၫ ကယဲအဆၧအီၪကိၭအမံၩ့ဒ့ၭလီၫ.
