ၦကိၭဂၩနီၪ ကဘၪကၧၩ့ထၪ့ ဆၧၡူၪဆၧမုၬလိၪဝ့ၫအဂဲး

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ ၦကိၭဂၩနီၪ ကဘၪကၧၩ့ထၪ့ ဆၧၡူၪဆၧမုၬလိၪဝ့ၫ အဂဲးအကၠီၩ့နီၪလီၫႉ မုကနံၩယီၩ ၥၫ့ဎွၩလ့ၫအိၫ ၁၄ ဂၩလဂၩ  လီၩၥ့ၪယၫထၬပၧၩ ဆၧချဲၩ့အီၪ (၆)  မံၩ့နီၪလီၫႉ

(၁) ၥၭဘၪ့ဖိၪၥံၪဒဲ ဖိၪၥၪဆံၭၥံၪ– ၦကိၭဂၩနီၪ ကဘၪကၧၩ့ထၪ့ ဆၧၡူၪဆၧမုၬလိၪဝ့ၫအကၠီၩ့ လီၩဝ့ၫဒၪနီၪလီၫႉ ဆၧမ့ၬလဲၩဒဲ မၩဆီၪ့ဆၧ အီၪထီးလူၬနီၪ နၥံၪကဘၪ ထၪ့ဒၩလိၪဝ့ၫအကၠီၩ့ နီၪလီၫႉ

(၂) ဒၪခီၩ့လိၬၥၭလၧ ကဆါယွၩ-ကဆါဎြံၬနီၪ အီၪလၧ ပဂံၪ့ဒီၪ့ႇ အီၪလၧပၥၭခံဖၧၩ့ ကိၭကၠၪဒ့ၭအကၠီၩ့နီၪ နၥံၪ ကဘၪအီၪဘူၭထဲးလၧ ကဆါဎြံၬနီၪလီၫႉ

(၃) ဆၧဘၩဆိၪဖၪဒဲ ဂံၪ့ဒီၪ့ဖိၪၥံၪ-ၦလၧဘၪဒၪဆၧကၪဆၧဂဲၩၥံၪအဂး ပကဘၪဘၩဆိၪဖၪန့ဆၧအဂဲးနီၪလီၫႉ

(၄) မံဆၩဆၧလုထၪ့-ၥၫထနၫဆၧဖံၭဆၧမၩနီၪ ၦလၧအလိၪ ဆၧယိလါနီၪပကဘၪဖ့ၪအ့ၪႇ ၦလၧဘၪဒၪဆၧကၪဆၧဂဲၩနီၪ ပကဘၪထိးဆၧၫ့ႇ ပကဘၪခိၭနၫအ့ၪအဝ့ၫၥံၪနီၪလီၫႉ

(၅) ပကဘၪဆူၩနဲၩကဆါယွၩ-ကဆါယွၩနီၪ အီၪလၧပၧၩကိၭကၠၫဒ့ၭအကၠီၩ့ လီၩၥ့ၪယၫဆၧဂီၩ့ ပကဘၪအီၪၥၭမၧၫ့ လၧ ဆၧဆူၩနဲၩအကၠီၩ့ နီၪလီၫႉ ဆၧအယီၩနီၪ မွဲဝ့ၫ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫ ဒၪလၧကဆါဎြံၬ အဆၧအဲၪဆၧကွံၩ လါဆံၭႉ