စယီဟၫ့ (၁၅:၁၂-၁၇)

အယီၩမွဲယဆၧမၪလူၬ, ဘဲၫယအဲၪနၥံၪအၥိၭနီၪ, အဲၪလိၬကွံၩလိၬနၥံၪ အၥၭဘဲၫနီၪအၥိၭဆံၭ. ၦလဂၩဂၩအ့ၪအီၪက့ၪလၩ့အၥၭမၧၫ့ လၧအထံၩအၥိၭအကၠီၩ့နီၪ, ၦၡၩအဆၧအဲၪဆၧကွံၩနီၪဒိၪ နဲၪ့အဝ့ၫနီၪအီၪနးဂၩအ့ၬ. ထီးဒၪဆၧလၧယမၪလူ နၥံၪနီၪ နၥံၪအ့ၪမၩတၭ, နၥံၪမွဲယထံၩယၥိၭလီၫ. ယကိၭလၧၩ့နၥံၪလၧဎီးလၧၡၩအ့ၬ. အဂဲးဘဲၫယီၩ အ ကဆါမၩနီၫလဲၪနီၫလဲၪနီၪ, အဎီးအၡၩၥ့ၪယၫဝ့ၫအ့ၬ. ယကိၭထဲၩ့နၥံၪ လၧထံၩလၧၥိၭလီၫ. အဂဲးဘဲၫယီၩ ကယဲယနါဂၧၫ့ဆၧလၧဖါအအီၪနီၪ ယဒုၭၥ့ၪယၫနၥံၪလီၫ. နၥံၪဝ့ၫဒၪယီၩ နၥံၪလရွံန့ဘၪယၧၩတၭ, ယဝ့ၫဒၪယီၩ ယရွံန့ယူၭနၥံၪ, ဒဲအီၪက့ၪလၩ့ယူၭနၥံၪဘဲၫၥိၭ နၥံၪမိလ့ၩၥၪထၪ့, ဒဲနၥံၪအဆၧၥၪနီၪ မိအီၪဂုးခၧၫ့ဝ့ၫလီၫ.ဘဲၫၥိၭနၥံၪအ့ၪအၪ့ကံၩ့ဆၧလမံၩ့လါလါလၧဖါနီၪ လၧယမံၩ့အကၠီၩ့တၭ, အဝ့ၫဒၪမိဖ့ၪလၫ့ဝ့ၫလၧနၥံၪအဂးလီၫ. ယမၪလူၬနၥံၪလၧဆၧလဖၪယီၩ ဘဲၫၥိၭနၥံၪမိအဲၪလိၬကွံၩလိၬနၥံၪအၥၭလီၫ.