စယီဟၫ့ (၁၄:၂၁-၂၆)

ၦလၧအအီၪလၧ ယဆၧမၪလူၬလဖၪ, ဒဲထီးန့ဖံၭထၬဝ့ၫနီၪ, မွဲၦလၧအအဲၪယၧၩ, ဒဲၦလၧအအဲၪယၧၩနီၪ, ယဖါမိအဲၪအဝ့ၫတၭ, ယဝ့ၫဒၪယီၩ ယမိအဲၪဝ့ၫဆ့, ဒဲယမိဒုၭနဲၪယၥၭလၧအဝ့ၫနီၪဆ့လီၫ. စယုဒၭ (လမွဲဘၪအံၭစကၫရအၧၭ)လဂၩ, စံၭအဝ့ၫ, ကဆါဧ့, ဆၧမိမၩအၥၭလၧ နလမၩဖျီၪဘၪနၥၭလၧဂၪ့ခိၪဖိၪယီၩတၭ, မွဲနမိမၩဖျီၪနၥၭလၧပၧၩယီၩဘဲၫၥ့ၪလဲၪ.- ယ့ၫၡုၬချဲၩ့ဆၧၫ့ဆၧတၭ, စံၭအဝ့ၫနီၪ, ၦအ့ၪအဲၪယၧၩတၭ, မိထီးန့ဖံၭထၬယလူတၭ, ယဖါမိအဲၪအဝ့ၪဒၪ, ဒဲပမိဂဲၫလၧအအီၪတၭ, ပမိအီၪပဝ့ၫလၧအၥိၭလီၫ.  ၦလၧအလအဲၪဘၪယၧၩနီၪ ထီးန့ယလူအ့ၬ. ဆၧချဲၩ့လၧနၥံၪ နါဂၧၫ့နီၪ မွဲယလူအ့ၬ. မွဲဖါလၧအအၪ့မၧၫ့လၩ့ယၧၩလဂၩနီၪအလူလီၫ. ဆၧနီၪလဖၪ ယလီၩဘၪယူၭနၥံၪ လၧယအီၪလၧနၥံၪအၥိၭ အဘိၩ့ဘၭနီၪလီၫ.  မွဲလါနၫ့ဘိၩ ၦမၩမုၬဆၧ, ၥၭမုဆံၫ့ဎံၪ, လၧဖါ မိအၪ့မၧၫ့လၩ့ဝ့ၫလၧယမံၩ့နီၪ, အဝ့ၫလဂၩမိၥီၪ့ထဲၩ့ နၥံၪလၧဆၧထီးအလူၬ, ဒဲမိဒုၭနၪ့ထၪ့ထဲၩ့နၥံၪလၧဆၧလၧယလီၩဘၪနၥံၪထီးအလူၬလီၫ.