ဖျိၩ့ဖါထံၭလံၬဖျိၩ့ၥဖၠးဖျါလၩ့ဒဲ ဆၧဒိၭစ့ၭလံၬ
၂၀၂၆နံၪ့ လၩအ့ၫဖြ့ၫ ၂၇ၥၫ့နီၪ ဆၧမၩလၩမၩဖၩ့ ဖျိၩ့ဖါထံၭလံၬလဲၥဖၠးဖျါလၩ့ဒဲ ဆၧဒိၭစ့ၭလံၬအီၪဝ့ၫဒၪလၧ တောင်ယာကုန်းဆၧအီၪကီၪ့ႇ တောင်ယာကုန်းတဝၫ့နီၪလီၫႉ လၧဆၧယီၩခၫဆၧမၩလိၪလးဖိၭဘံၭအထီ ဘဲၫၥိၭဖျိၩ့ဖိၪၥၪၥံၪ ကမၩလိၪဘၪအၥၭ ဖျိၩ့လံၬဂ့ၩဂ့ၩဘၪဘၪအဂးနီၪ စၭထၪ့လၧ လၩမၫၡါ ဒဲ ထီၩ့စိၩလၧ လၩအ့ၫဖြ့ၫအထီ လၩ၂ဘ°ၪ့ ဆၧၥီၪ့လိၪဖျိၩ့လံၬလဲၥဖၠးအီၪဝ့ၫဒၪနီၪလီၫႉ ဘၪမၩဝ့ၫဒၪ ၥဖၠးယီၩ အဆၧထိစိၩနီၪ ဘဲၫၥိၭ ၦဖျိၩ့ ဆၧချဲၩ့ဒဲ လံၬလဲလဖၪ လလၩ့မါဘၪအဂးႇ ပဘၩယွၩကကၠၪဆ့ ဘဲၫၥိၭပဘိၪ့ထၪ့ဘၩထၪ့ၡီၩ့ယွၩ လၧဖျိၩ့လၨခီၫ ကန့အဂးနီၪထိစိၩဝ့ၫလီၫႉ ဆၧနီၪအကၠီၩ့ ဆၧအီၪကီၪ့ဂူၫဂၩ တဝၫ့ဂူၫဂၩ လၧဖျိၩ့အီၪဝ့ၫဒၪ အလးအကျဲၩ့လဖၪနီၪ ကြၨၭအၪ့န့ အဒီၩ့အထ့ၬလၧ ဆၧအီၪကီၪ့အယီၩဂီၩ့ ပကအီၪက့ၪဒိၪထဲၩ့ ပလံၬလဲလဖၪဂီၩ့ လၧဆၧယီၩခၫ ဆၧမၩလိၪဖျါအခံၫ့ တဝၫ့ခိၪနါၥံၪ ဆၧအီၪကီၪ့ခိၪနါၥံၪ လ့ၩခိၪလ့ၩနါဝဲလၫ့အ့ၪဘၪ ဖိၪဒံၪဖိၪၥၪၥံၪ ဖျိၩ့လံၬလဲၥဖၠးယီၩဂီၩ့တၭ လၧၦဖျိၩ့ဆၨၩအဂး ကျ့ၭစၨၭထၪ့ကၠၭဘၪလါဆံၭႉ ထီးစီၪဆံၭဘၪ ပဆၨၩလဂ့ၩအဂးနီၪဆ့ ယမိအၪ့ယၫဘၪ ၦဖျိၩ့ဖိၪၥံၪကိၭဂၩဒ့ၭနီၪလီၫႉ နးအဲၪဖီၫဘွၩ #RVAPwoKarenတောင်ယာကုန်းသာသနာ#စကောကရင်စာသင်တန်းဆင်းပွဲ
