ပကဘၪအီၪလၧကဆါဎြံၬ ဆၧလမံၩ့ဎးအဂဲး

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪအီၪလၧကဆါဎြံၬ ဆၧလမံၩ့ဎးအဂဲး အကၠီၩ့နီၪလီၫႉ ၦလၧဒိၭန့ဆၧၥူၫဝၭစကြၫမ့ၫတူၩဂီၩ့နီၪ ကဘၪမၩၥၫထနၫဆၧမၩအတၩလၫ့အီၪ ကိၭဂၩနီၪလီၫႉ ဆၧလၧပမၩၥၫထနၫအဆၧမၩနီၪ မွဲဝ့ၫပလ့ၩဆၧ ကၠၧၫ့ကၠၧၫ့နီၪလီၫႉ ဆၧအဲၪဆၧကွံၩနီၪ ပကမၩၥၫထနၫဆၧမၩအဂး မွဲဝ့ၫ အခံအလဲၫ နီၪလီၫႉ ၦလၧဘၪထိးၥံၫၥၭ ဎြံၬဖိၪၥံၪကဒီၪ့နီၪ ဆၧဆူၩနဲၩအဂးဒဲ ကဆါယွၩအဆၧအဲၪ ဆၧကွံၩအဂး တရါလၩ့ဆၧလၧ ဂၪ့ခိၪဖၧၩ့နီၪလီၫႉ

ကဆါယွၩဧ့ႇ ဆိၪဂ့ၩဆိၪဘွၩဘၪ ၦမၩၥၫထနၫအဆၧမၩ ၦမုၪၦခွၫၥံၪအဂးထီးလူၬလါဆံၭႇ မၩဆၧၩ့အ့ၪအဝ့ၫၥံၪနီၪလီၫႉ အဝ့ၫၥံၪ မၩၥၫထနၫဆၧမၩကိၭမံၩ့ဖၧၩ့ မၩဆၧၩ့အ့ၪအဝ့ၫၥံၪလါဆံၭႉ အဝ့ၫၥံၪဖီၪ့ထၪ့ဖံၭထၪ့ ဆၧမၩထီးလူၬနီၪ မွဲကဲၪထၪ့ဒၪဝ့ၫ ဆၧၡူၪဆၧမုၬအဂးလါဆံၭႉ ဂၪ့ခိၪထၧၫ့ ဘံၪ့ယၫနီၪ မွဲဒၪဘၪ ကဆါဎြံၬ အဆၧဖၩ့လါဆံၭႉ ဆၧအဂဲးယီၩနီၪ မွဲဝ့ၫ ၥၫ့ဎွၩလ့ၫအိၫ ၁၄ ဂၩလဂၩ အဆၧဘၩဆိၪဖၪနီၪအကၠီၩ့ ယအဲၪဒိၭရါလၩ့န့အ့ၪဘၪနၥံၪလၧ ဆၧအဲၪဆၧကွံၩဎိၩဒိၪ ဖၧၩ့နီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫ ဒၪလၧကဆါဎြံၬအဆၧအဲၪဆၧကွံၩ လါဆံၭႉ