မုကိၭနံၩဆၧၥၭထိၬပရၧၫ့

ဆၧဂုၪယ့ၫၡုၬလၧၥိၪနၧၫ့မၧၫ့လၧတဝၫ့ဘ့ၭၥနံၫ. (မၭ ၂၆:၆-ၥ0, မၫ ၥ၄:၃-၉) မၩအၥၭဘဲၫနီၪတၭ, ဘိၪ့လ့ၩဖၬ လချႃၭဘၪဒံၭဘၪဎူၫၥၫ့တၭ, ယ့ၫၡုၬလ့ၩထီၩ့လၧဘ့ၭၥနံၫ ထီးအမၩဂဲထုၪ့ထဲၩ့ စလၭဇရၧၭလၧအၥံၫယူၭဝ့ၫလဂၩနီၪ အီၪဝ့ၫအလးလီၫ. မၩအၥၭဘဲၫနီၪတၭ, ၦလဖၪနီၪ မၩဆၧအၪ့ဆၧအီၩလၧ အဂးထီးနီၪတၭ, နးမၫၥၫ မၩဆၧလုအၪ့လုအီၩတၭ, စလၭဇရၧၭအီၪလၧၦဆၧၫ့နၩ့ ဒံၩ့ခံၫ့လၧအၥိၭ လၧစပွဲထံၭနီၪလီၫ.- မၩအၥၭဘဲၫနီၪတၭ, နးမၫရံၫမၩန့ၥိၪနၧၫ့မၧၫ့နၫဒူၫလၧအလူဒိၪဎွ့ၩဒိၪလလံတြၫ ဎၥၧၫ့ရွ့ၫၭတၭ, ဂုၪယ့ၫၡုၬအခၪ့တၭ, ၥိၪနီၪအနၧၫ့မၧၫ့ဎွ့ၩထၪ့ဂံၪ့နီၪလီၫ. မၩအၥၭဘဲၫနီၪတၭ, ၦအီၪလၧအထံၩအဖျဲၥံၪ အကျၩလၧအမိဖ့ၪလၫ့ခွံၬအဝ့ၫ စယုဒၭအံၭစကၫရအၧၭလဂၩ, စံၭဝ့ၫ, ၥိၪနၧၫ့မၧၫ့ယီၩ မွဲဘၪနီၫလအၪ့ဆၫဘၪဝ့ၫတၭ, လဖ့ၪလၫ့ဘၪဝ့ၫအဎွ့ၩဒန့ရံၫၥၧၫ့ယၩလၧ ၦၡၪ့ဖိၪၦယၬဖိၪနီၪလဲၪ. မွဲအၥၭလအီၪဘၪၦၡၪ့ဖိၪနီၪ မွဲၦအၪ့ဂူၪဆၧအကၠီၩ့တၭ, အီၪလၧအထိၪ့နီၪဆိၬ ဆၧလၧၦဒုၭနုၬလၩ့လၧအဖၧၩ့အကၠီၩ့နီၪတၭ, စံၭဆၧနီၪလီၫ. မၩအၥၭဘဲၫနီၪတၭ, ယ့ၫၡုၬစံၭဝ့ၫ ထီးမၩထံၬထၬအဝ့ၫလဂ့ၩ, ယဘၪဆၧခုၪ့လၩ့ဘၧၩ့အနံၩအၥၫ့အဂးနီၪ, မွဲအအီၪက့ၪလၩ့ဝဲၩ ဆၧယီၩလီၫ. အဂဲးဘဲၫယီၩ ၦၡၪ့ဖိၪလဖၪနီၪ အီၪလၧနၥံၪအၥိၭ လထံၪဎးလီၫ. အ့ၪမွဲယဝ့ၫဒၪယီၩgယအီၪလၧနၥံၪ အၥိၭလထံၪဎးအ့ၬ. ဆၧကိၪ့အၧၩ့စလၭဇရၧၭ.  မၩအၥၭဘဲၫနီတၭ, ၦယုဒၫဖိၪခမျၧးဖၭဒိၪ ၥ့ၪယၫဝ့ၫလၧယ့ၫၡုၬအီၪဝ့ၫထီးနီၪတၭ, ဂဲၫဝ့ၫန့ၫလၧယ့ၫၡုၬအကၠီၩ့နီၪလကၭလၧၩ့, မွဲဘဲၫၥိၭအမိဒၪဘၪ စလၭဇရၧၭလၧအဒုၭဂဲထုၪ့ထဲၩ့ဝ့ၫ လၧဆၧၥံၫအဖၧၩ့နီၪလီၫ. ၦလုဆၧအဒိၪၥံၪကိၪ့လိၬအၥၭ ဘဲၫၥိၭအမိမၩၥံၫဘၪစလၭဇရၧၭနီၪလီၫ. အဂဲးဘဲၫယီၩလၧအဝ့ၫနီၪအကၠီၩ့, ၦယုဒၫဖိၪၥံၪအၪဂၩဂဲၫနဲၩထဲၩ့ယ့ၫၡုၬလီၫ. ဆၧမၩနၧၩ့အဆၧလ့ၩနုၬလၩ့ လၧဝံးယရုစလံၫ့ဖၧၩ့. ကဲဂီၩခိၬလနံၩနီၪၦခမျၧးဖၭဒိၪ လၧအဂဲၫလၧဆၧဘိၪ့ဖၧၩ့လဖၪနီၪ, နါဂၧၫ့ဝ့ၫလၧယ့ၫၡုၬဂဲၫလၧယ ရုစလံၫ့အဖၧၩ့ၥၭ အဘိၩ့ဘၭနီၪ,- မၩန့စီၩ့မလီၫ့အထဲၩ့နီၪလ့ၩအၪ့ဂၬဝ့ၫတၭ, ကိၭၡၭထၪ့ဆၧ, မွဲဆၧထိးထဲၩ့တၩ့ထဲၩ့ ဘိၩ့နဲၪ့ယီၩဆံၭ. ၦအံၫစရ့ၭလၭဖိၪအ စဎွၩလၧအဂဲၫလၧယွၩအမံၩ့နီၪ, မွဲအဘၪဆၧဆိၪဂ့ၩဆံၭ.- ယ့ၫၡုၬဒၪန့ကၥ့ၪယီၩ့အဖိၪလဒုၩတၭ, ထူၬဝ့ၫဘဲၫဆၧကွ့ၭအၥၭအၥိၭနီၪ, ဇံအိၫ့အဖိၪမုၪဧ့, ထီးၥၭမဲၪလဂ့ၩ, ယိခွါ, နစဎွၩဂဲၫလၧနအီၪထူၬကၥ့ၪယီၩ့အဖိၪလီၫ. ဆၧလဖၪနီၪလၧအၥၫ့အထံၩအဖျဲၥံၪ နၪဝ့ၫလၥ့ၪဘၪလါနၫ့ဘိၩ, ထီးယ့ၫၡုၬအလၩအဖၩ့ဖျီၪထၪ့ တၭ, အဝ့ၫၥံၪနၪ့ထၪ့ထဲၩ့အၥၭလၧဆၧနီၪကွ့ၭအၥၭလၧအဂဲးဒဲ အဝ့ၫၥံၪမၩအဝ့ၫဒၪလၧဆၧနီၪလီၫ. မၩအၥၭဘဲၫနီၪတၭ, ၦခမျၧးလၧအအီၪဝ့ၫလၧအ ၥိၭလဖၪနီၪ ထိးအၥၭလၧအကိၭထၪ့ထဲၩ့ စလၭဇရၧၭ လၧအၥွၪခိၪအဖၧၩ့ ဒဲဒုၭဂဲထုၪ့ထဲၩ့အဝ့ၫ လၧဆၧၥံၫအဖၧၩ့နီၪလီၫ.-