မုကိၭနံၩဆၧၥၭထိၬပရၧၫ့

ဆၧကိၪ့အၧၩ့ယ့ၫၡုၬ. (မၭ ၂၆:ၥ-0, မၫ ၥ0:ၥ-0, လု ၂၂:ၥ-0) မၩအၥၭဘဲၫနီၪတၭ, ၦယုဒၫဖိၪၥံၪ လၧအဂဲၫလၧ နးမၫရံၫအအီၪနီၪ, ဒၪဘၪယ့ၫၡုၬမၩဆၧတၭ,နဲၩထဲၩ့ဝ့ၫဒၪအၪဂၩလီၫ.အ့ၪမွဲလနၩ့နၩ့နီၪ, လ့ၩဝ့ၫလၧ ၦဖၫရစံၫၥံၪအအီၪတၭ, လီၩဘၪအဝ့ၫၥံၪဆၧလၧယ့ၫ ၡုၬမၩဝ့ၫနီၪလီၫ. မၩအၥၭဘဲၫနီၪတၭ,ၦလုဆၧအဒိၪၥံၪဒဲၦဖၫရစံၫလဖၪနီၪ, ဒုၭအီၪကိၩ့အီၪကီၪ့ ၦကိၪ့လိၬအၥၭတၭ, စံၭဝ့ၫ,မွဲပမိမၩပဝ့ၫဘဲၫၥ့ၪလဲၪ,ၦလဂၩယီၩမၩလၩ့လၭဆၧအၪမံၩ့မၬကၨ.- ပအ့ၪဖ့ၪလၫ့အမၩဘဲၫနီၪတၭ,ၦကိၭဂၩဒ့ၭမိနဲၩထဲၩ့ဝ့ၫနီၪ,ၦရိမၫဖိၪၥံၪမိဂဲၫ မၩဂၭဂီၩ့ခွံၬပလးဒဲပဆၨၩယီၩလီၫ. ၦလၧအဝ့ၫၥံၪအကျၩစက့အဖၭလဂၩ, ကဲၪၦလု ဆၧအခိၪလနံၪ့နီၪ, စံၭအဝ့ၫၥံၪ, နၥံၪဝ့ၫယီၩနၥံၪၥ့ၪ ယၫဆၧနးမံၩ့အ့ၬ.- နၥံၪလဆီၫ့မီၪ့ဘၪလၧၦလဂၩၥံၫ ဝ့ၫလၧၦခမျၧးၥံၪအဂးနီၪ, မွဲအဂ့ၩနဲၪ့ၦထၧၫ့ဆၨၩယၫဂၭဂီၩ့ခွံၬနီၪဒံၭလီၫ. ဆၧနီၪမွဲအစံၭဒၪဝ့ၫအ့ၬ. အ့ၪမွဲလနံၪ့နီၪမွဲၦလုဆၧအခိၪတၭ, ချဲၩ့ဆၧလၧမီၪအ ချိၬနီၪလၧယ့ၫၡုၬမိဘၪၥံၫဝ့ၫ လၧၦလဆၨၩနီၪအခိၪအကၠီၩ့လီၫ.မွဲန့ၫၦလဆၨၩနီၪအခိၪအကၠီၩ့လကၭလၧၩ့တၭ, မွဲဘဲၫၥိၭယွၩအဖိၪၥံၪလၧအလၩ့မုလၩ့ဖၭလဖၪနီၪ,မိအီၪကိၩ့အီၪကီၪ့လၧအလးလစီၪ့ဎးလီၫ. မၩအၥၭဘဲၫနီၪတၭ,ခီၫလၧမုနံၩနီၪအလးခဲၫ့ အဝ့ၫၥံၪကိၪ့လိၬအၥၭဘဲၫၥိၭlအမိမၩၥံၫအဝ့ၫလီၫ. မၩအၥၭဘဲၫနီၪတၭ, ယ့ၫၡုၬစဲၪ့အီၪဖျီၪလၧၦယုဒၫဖိၪၥံၪ အကျၩအ့ၬ. စဲၪ့ထၪ့ခွံၬဝ့ၫထီးနီၪ, လ့ၩထီၩ့လၧဒိၩ့ လၧအကိၭဝ့ၫအံဖြံၫ့လၧခးလဘံၪ့ဘူၭလၧမံၩ့လၬကျၩတၭ, အီၪဝ့ၫလၧအထံၩအဖျဲၥံၪ အၥိၭထီးနီၪလီၫ. ၦယုဒၫဖိၪၥံၪ အဘိၪ့လ့ၬဖၬလၩ့ဘူၭဝ့ၫoနီၪ,ၦၡၩ စဲၪ့ထၪ့ခွံၬလၧအတဝၫ့လဖၪအၪအၪလ့ၬတၭ, ဘဲၫၥိၭအမိၥူၫဝၭဆံၫ့ခွံၬအၥၭ ဘိၩ့အလချႃၭမၩဒံၭဘၪ ဘိၪ့လ့ၩဖၬနီၪလ့ၩထီၩ့ လၧယရုစလံၫ့လီၫ. မၩအၥၭ ဘဲၫနီၪတၭ, အဝ့ၫၥံၪအၪ့ဎၬယ့ၫၡုၬ,အီၪဆၧၫ့ထုၪ့လၧ ဆၧလုအဂံၪ့ဖၧၩ့နီၪချဲၩ့လိၬအၥၭ, နၥံၪဆီၫ့မီၪ့ဘဲၫၥ့ၪလဲၪ. မွဲအမိဂဲၫလၧဘိၪ့ဖၧၩ့ယီၩအ့ၬဧၪ.- တၭၦလုဆၧ အဒိၪၥံၪ ဒဲၦဖၫရစံၫၥံၪနီၪအီၪက့ၪလၩ့အလူ ဘဲၫၥိၭၦလဂၩဂၩအ့ၪၥ့ၪယၫလၧအအီၪဝ့ၫ အလးတၭ,ဘၪ ဒုၭနဲၪဝ့ၫဘဲၫၥိၭ အဝ့ၫၥံၪမိဖီၪ့ထၬအဝ့ၫဒၪလီၫ.