နမုၬလၩန့ လါနၫ့ ထီးဂၭဂီၩ့ဘၪလဂ့ၩႉ
ဘဲၫယီၩ နကဲၪထၪ့ ၦအလီၩ့ထီချူၭကဂၩဧၪ အ့ၪလမွဲဘၪ နကဲၪထၪ့ ထီအဎီးအၡၩကဂၩဧၪႉ
လၧမုနၩခီၫ နလီၩ့မုၬလၩဂီၩ့ နမၩလူၬဂီၩ့အခံၫ့နီၪ နစံၭဝ့ၫလၧ ‘Lifestyle’ ဂီၩ့ နအၪ့လီၫလၩ့နၥၭနီၪ အီၪပထုၬခွံၬလါဆံၭႉ လၧထီအထၪ့အလၩ့ဖၧၩ့ ပကဘၪယွၩလၩ့နီၪ မွဲလါနၫ့ မွဲပကဘၪလၩ့အုၭလီၩ့လၧထီနီၪ အဖၧၩ့အ့ၬႉ နမုၬလၩအခံၫ့ ကဆိကလးဖိၪအလးခဲၫ့နီၪ အနံၪ့၁၀ဆၧနီၫ့ယါ ပၪထဲးန့နီၪ နထုၪ့လၩ့ဘၪနၥၭ ကကၠၪကၠၪဧၪႉ
အလူဒိၪဎွ့ၩဒိၪအီၪအၪမၬ နၥၭဘၪ့အဆၧၥၭမၧၫ့နီၪ မၩဂၭဂီၩ့ခွံၬလၧ ၥံၪမိၬဖၧၩ့ ဂၬထံၫခွၭဖၧၩ့ ဒဲ ဆၧလဂ့ၩဘၪလဖၪအဖၧၩ့လဂ့ၩႉ ၦအအဲၪနၧၩလဖၪယိလါဝ့ၫနီၪ မွဲနဆၧမၩနၧၩ့ခၫ့ဖျီၪလီၫ မွဲနဆၧဂၭဂီၩ့ဂၭစၪအ့ၬႉ
လီၩ့ဖိၬထီအခဲၫ့လဂ့ၩ လ့ၩခိၪလ့ၩနါထဲၩ့ထီနီၪခီၫႉ မုၬလၩ- လါနၫ့ ထၧၫ့ကဲၪဘၪ ဆၧမုၬလၩလၧအမၩဂၭဂီၩ့ နဆၧၥၭမၧၫ့နီၪလဂ့ၩႉ ကနံၩယီၩနမၩဝ့ၫလဖၪနီၪ မၩၥံၫခွံၬ နကိမုဆဲၫ့နံၩနီၪဧၪႇ အ့ၪလမွဲဘၪ ၥုၪ့ထၪ့ဝ့ၫဒၪဧၪနီၪ အၪ့စၪ့လၩ့ထဲၩ့နၥၭလါဆံၭႉ
