မုကိၭနံၩဆၧၥၭထိၬပရၧၫ့

ယ့ၫၡုၬဒဲဘၫအလၭဇဘၧၭ. (မၭ ၥ၂:၂၂-၃ဝ, မၫ ၃:၂ဝ-0) အဝ့ၫဒၪနၫ့ထၪ့ခွံၬ ဆၧနၪအုၭအၭလဒုၩနီၪ, ဆၧမၩအၥၭလၧဆၧနၪစဲၪ့ထၪ့ခွံၬဝ့ၫတၭ, ၦအုၭအၭနီၪချဲၩ့ ထၪ့ဝ့ၫတၭ,ၦခမျၧးထီၫမံၫထီၫမၪဝ့ၫဒၪလီၫ. ၦအီၪ လၧအကျၩလနၩ့နၩ့, စံၭဝ့ၫ,မွဲအနၫ့ထၪ့ခွံၬဆၧနၪလၧဆၧနၪအခိၪဘၫအလၭဇဘၧၭလီၫ. အဂူၫဂၩလနၩ့, ကျဲၩ့ဖစီၩ့ဆၧတၭ, အၪ့ကံၩ့ဆၧလၩ့လၭလၧမူၭခိၪလၧအဝ့ၫဒၪလီၫ. အဝ့ၫဒၪၥ့ၪယၫအဝ့ၫၥံၪအဆၧကိၪ့ ထၪ့ဖၭလၩ့လဖၪgတၭ, စံၭအဝ့ၫ,ကယဲဘၩ့မုးလၧအ မၩလၩ့ဖၭလိၬအၥၭနီၪ, မိအီၪယူဝ့ၫလီၫ. ဂံၪ့အ့ၪလၩ့ဖၭလိၬအၥၭတၭ, မိလၩ့ဎီးဝ့ၫလီၫ. မုၪခီၩလဲး အ့ၪလၩ့မုလၩ့ဖၭဝ့ၫလၧအနၫ့ဆါဒၪဝ့ၫတၭ, အဘၩ့အ မုးမိခၧၫ့ဝ့ၫဘဲၫၥ့ၪလဲၪ. အဂဲးဘဲၫယီၩ နၥံၪစံၭလၧယနၫ့ထၪ့ခွံၬဆၧနၪလၧ ဘၫအလၭဇဘၧၭလီၫ. ယအ့ၪနၫ့ထၪ့ခွံၬဆၧနၪလၧဘၫအလၭဇဘၧၭတၭ, မွဲနၥံၪအ ဖိၪခွၫၥံၪနၫ့ထၪ့ခွံၬဆၧနၪလၧပလၫလဂၩလဲၪ. မၩအၥၭဘဲၫနီၪတၭ, ၦလဖၪနီၪမိကဲၪထၪ့ဝ့ၫလၧၦစ့ၩရၫ့နၥံၪလီၫ. အ့ၪမွဲယၧၩယီၩ ယအ့ၪနၫ့ထၪ့ခွံၬဆၧနၪလၧယွၩ အစူၪနိၩ့တၭ, မွဲမၬ,ယွၩအဘၩ့အမုးဂဲၫထီၩ့ယူၭလၧနၥံၪအအီၪယူၭ. ထီးၦၡၩအဆီၪ့အီၪလၧအစူၪဝဲၩနီၪ အ့ၪပၧၩ့ဘၪအဂံၪ့အဘိၩ့ဘၭတၭ, အဆၧဖိၪဆၧလံၩ အီၪခၧၫ့ဝ့ၫလီၫ. မွဲလါနၫ့ဘိၩ, ထီးၦအဂဲးအဘၭဆီၪ့နဲၪ့အဝ့ၫနီၪ လဂၩအ့ၪဂဲၫမၩနၧၩ့မၩစၪအဝ့ၫတၭ, အဝ့ၫဒၪမိမၩန့ခွံၬအစူၪဝဲၩလၧအဒိၭနဲၩ့အၥၭလၧအဖၧၩ့တၭ, အၪ့နၩ့ဖၭအဆၧဖိၪဆၧလံၩအဆၧၫ့လီၫ. ၦလၧအလအီၪဘၪဝ့ၫလၧယၥိၭယီၩ, မွဲအထၫ့ဒုၪ ထၫ့ဒၩယၧၩတၭ, ဒဲၦလၧအလအၪ့ထုၫ့ကီၪ့ဘၪဆၧ လၧယၥိၭယီၩ, မွဲအမၩပြံၩ ပၩဆၧလီၫ.