ပကဘၪကဲၪ ၦယိဂ့ၩယိဘၪကျိၭအဂဲး

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ ပကဘၪကဲၪ ၦယိဂ့ၩယိဘၪကျိၭအဂဲးအကၠီၩ့နီၪလီၫႉ ပအီၪၥၭမၧၫ့ကိၭနံၩဖၧၩ့ ပကဘၪယိဂ့ၩယိဘၪ နဲၩအဎီၩ့လိၪအၪမၬဒ့ၭအကၠီၩ့နီၪ ၥၫ့ဎွၩလ့ၫအိၫ ၁၄ ဂၩလဂၩ လီၩၥ့ၪယၫ ဂံၪ့ခိၪဖိၪၥံၪနီၪလီၫႉ ဆၧအယီၩၥံၪယီၩနီၪမွဲဝ့ၫ ကဆါဎြံၬတဲၩ့လၩ့ထၬနီၪလီၫႉ လကၭဒ့ၭဘၪ ပကဘၪယိဂ့ၩယိဘၪ နဲၩဎီၩ့အဂး ၥၫ့ဎွၩလ့ၫအိၫ ၁၄ ဂၩလဂၩနီၪ အၪ့န့ၥၫ့ဎွၩဖရၫ့စ့ၭ ကွ့ၭထၬ Laudato Si အဂဲးဂီၩ့ ၥီၪ့ၥၫ့ပၧၩနီၪလီၫႉ

Laudato Si ဖၧၩ့ဆၧအဂဲးနီၪ ဂၪ့ခိၪဖိၪၥံၪကိၭဂၩနီၪ ကဘၪကဲၪ ၦခိၭကျိၭႇ ကဘၪကဲၪ ၦယိဂ့ၩယိဘၪကျိၭ ကိၭဂၩနီၪလီၫႉ ဂၪ့ခိၪဖိၪၥံၪနီၪ အ့ၪလကဲၪဘၪ ၦယိဂ့ၩယိဘၪကျိၭနီၪ အီၪဒၪကကဲၪထၪ့ ၦမၩဂၭဂီၩ့ကျိၭနီၪလီၫႉ ၦလၧယိဂ့ၩယိဘၪ ကျိၭနီၪ မီၪ့ဎီၩ့ဒၪ ယိဂ့ၩယိဘၪ နဲၩဎီၩ့အကၠီၩ့နီၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့အီၪဝ့ၫဒၪဘဲၫယီၩၥိၭအဂဲး ယအဲၪဒိၭရါလၩ့န့အ့ၪဘၪနၥံၪလၧ ဆၧအဲၪဆၧကွံၩဎိၩဒိၪဖၧၩ့နီၪလီၫႉ  အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫ ဒၪလၧ ကဆါဎြံၬအဆၧအဲၪဆၧကွံၩ လါဆံၭႉ