လၧဆၧၥၭထၪ့ ထီၩ့စိၩ လၧဆၧဎူၫဆၧဎၩ့
အဎံၫနီၪ မွဲၦမုၪလၧအၥၭဖျဲၪအၥၭဖုၫ ၥၭဘၪ့မုၪကဂၩလီၫႉ ကနံၩတၭအဝ့ၫအထံၩၥိၭမုၪနီၪ လီၩၥ့ၪယၫ အဝ့ၫနးမံၩ့အ့ၬဂီၩ့ ထိးဆၧၫ့ဆၧဖံၭဆၧမၩကမံၩ့နီၪလီၫႉ အနီၪအခၫအဎံၪယီၩၥ့ၪယၫထၪ့ကကၠၪ အၥၭထၪ့ဒိၪဒိၪ ဒ့ၭဂီၩ့ အဲၪ့လိၬအဲၪ့ဆံၫ့အထံၩၥိၭမုၪနီၪ ဂ့ၩဘၪစဲၪ့ဂီၩ့ လၧခဲၫ့နီၪ ချဲၩ့ဒုၪ့ဘူၭဝ့ၫလၧၩ့အ့ၬႉ
အဝ့ၫယီၩထဲၩ့ထီၩ့လၧအဂံၪ့ကကၠၪ နၪ့ထၪ့စိၩဘၪ လံၬဆံၫ့ဎံၪ ဒီၩ့လၩ့ ၁၅:၁နီၪလီၫႉ “ဆၧချဲၩ့ဆၧၫ့ဖူၬလူၭ နီၪ ဘိၭကၠၪခွံၬဆၧၥၭထၪ့ႇ အ့ၪမွဲဆၧချဲၩ့ဆီၪ့နီၪ ထိၪဂဲၩဆၧၥၭထၪ့လီၫႉ” အဝ့ၫယီၩနၪ့ထၪ့စိၩဘၪ ဆၧအဂဲးယီၩဂီၩ့ ကကၠၪ ဆၧၥၭထၪ့ကမံၩ့နီၪ မၩဂၭဂီၩ့ခွံၬဆၧန့ကိၭမံၩ့အဂဲး ၥ့ၪယၫ့ထဲၩ့ဝ့ၫလီၫႉ ဂီၩ့နီၪအဝ့ၫယီၩ လ့ၩဒၪစိၩအထံၩ ၥိၭမုၪနီၪဂီၩ့ အၪ့ယၫထၪ့ထဲၩ့ဝ့ၫလီၫႉ အထံၩၥိၭမုၪနီၪဆ့ အၪ့ယၫထဲၩ့အဝ့ၫဆ့လီၫႉ
အဝ့ၫၥံၪယီၩ အၪ့ယၫထဲၩ့လိၬၥၭဂီၩ့ကကၠၪ လၧအဝ့ၫၥံၪအၥၭဖၧၩ့နီၪ ဎွံၪပျၩ့ထၪ့ထဲၩ့နီၪလီၫႉ စၭထၪ့လၧ အခံၫ့နီၪ အထံၩၥိၭနံၫဂၩယီၩ တခၩကမၩဆၧနးမံၩ့ မၩလၩ့ဎိၭကၠၭထဲၩ့ဝ့ၫ ယံၩယီၩၡီၩ့ၡီၩ့ မုၬမုၬလၩလၩနီၪလီၫႉ
