မေရီလန်းဆၧအီၪကီၪ့ လုဒ်မိမၫရံၫအဘိၪ့မုနံၩ

၂၀၂၆ နံၪ့ လၩဖ့ၫဘြူၫအ့ၫရံၫ ၁၀-၁၁ၥၫ့နီၪ ၦၡၩမၩလၩမၩဖၩ့ လုဒ်မိမၫရံၫအဘိၪ့မုနံၩ လၧမေရီလန်း ဆၧအီၪကီၪ့နီၪလီၫႉ လၩဖ့ၫဘြူၫအ့ၫရံၫ ၁၀ၥၫ့ အဂၫလၩ့ ၄နၩရံၫအခံၫ့နီၪ မွန်ဆီညော်Pius Win Than လ့ၩခိၪလ့ၩနါမံဆၩဆၧလုထၪ့နီၪလီၫႉ လၩဖ့ၫဘြူၫအ့ၫရံၫ ၁၁ၥၫ့ လဂီၩ၈နၩရံၫခီၫအခံၫ့နီၪ ဒိၩ့ပၥံၫ့ဆၧအီၪကီၪ့ ၥၫ့ခိၪဒိၪ ဟင်နရီမန်းအိုင်ခလိန် ဒဲ ၁ၫ့မုၥၫ့ခၫအဂၩ၃၀နီၪ လ့ၩခိၪလ့ၩနါ လုထၪ့လၩ့ဎိၭ မံဆၩဆၧလုထၬနီၪလီၫႉ လၧမံဆၩဆၧလုထၪ့အဖၧၩ့ ၥၫ့ခၫဒိၪ ဘောစကိုစောလားထူး လီၩလၩ့လၬလၩ့ ဆၧၥၭထိၬအပရၧၫ့နီၪလီၫႉ

မံဆၩဆၧလုထၪ့ဂီၩ့ဝ့ၫဒၪကကၠၪ ၥၫ့ခိၪဒိၪ လီၩလၩ့လၬလၩ့ဝ့ၫ “ဘဲၫစသြဂုတ်စတင်းစံၭဝ့ၫအၥိၭ ပဝ့ၫၥံၪယီၩ အ့ၪမွဲပကလီၩ့ဎွါကဆါယွၩနီၪ မွဲပကဒၪထၪ့ဘၪကဆါယွၩလီၫႉ ဒံၩ့ပဒၪ ဒံၩ့ပကဘၪလီၩ့ဎွါဒီၭနီၪလီၫႉ ဘဲၫနီၪအၥိၭအ့ၪမွဲပကအၪ့ကံၩ့ဘၩဆိၪဖၪဆၧ လၧမိမၫရံၫအီၪစွါဘဲၫ ပကဒိၭန့ဘၪ ဆၧအခိးအတၩလဖၪနီၪလီၫႉ ပဆၧၥၭမၧၫ့ဖၧၩ့ မွဲပကဘၪအၪ့ကံၩ့ဘၩဆိၪဖၪ အခိးအတၩလဖၪ ကိၭဆၧၫ့ကိၭထီဒ့ၭနီၪလီၫႉ ၂၀၂၆နံၪ့ယီၩ ဘဲၫၥိၭပခၫ့ဂၬခွံၬ ကန့ဂ့ၩဂ့ၩဘၪဘၪအဂး ပကအၪ့ကံၩ့ဘၩဆိၪဖၪလၧ ကဆါယွၩဒဲ မိမၫရံၫအအီၪလါဆံၭႉ”