ဎွ့ၩထၪ့ (၇၈) နံၪ့ ၦဖျိၩ့ဆၨၩအမုနံၩ
-၂၀၂၆နံၪ့ လၩဖ့ၫဘြူၫအ့ရၫရံၫ ၁၁ၥၫ့ နီၪ မွဲၦဖျိၩ့ဆၨၩအမုနံၩတၭ ၦၡၩမၩလၩမၩဖၩ့ဝ့ၫဒၪ ၇၈နံၪ့ထၪ့ဘၭ ၦဖျိၩ့ဆၨၩအမုနံၩ ဆၧထံၪလၩ့ဒီၪလၩ့ လၧအ့ၫယၫဝတံၫခးဒီၪ့ႇ ကၠီၩ့ကိၩ့ဝံးႇ အနောက်စုတဝၫ့ဖၧၩ့နီၪလီၫႉ လၧဆၧထံၪလၩ့ဒီၪလၩ့နီၪအဖၧၩ့ ၦၡၩဂဲၫဆိၬန့ ၦဖျိၩ့ဆၨၩနိၪတၧၩ့ယါႇ ၦၡၩဘီၩ့ထၪ့ၦဖျိၩ့နိၪတၧၩ့ယါ ဒဲ ၦၡၩယူၭယၪ့ထၪ့နိၪတၧၩ့ယါဂီၩ့ ၦၡၩစၭထၪ့ဝ့ၫဒၪ ဆၧထံၪလၩ့ဒီၪလၩ့နီၪလီၫႉ ဂီၩ့နီၪ ၦၡၩဂဲထုၪ့လံတိးဆၧဂဲထုၪ့လံလဖၪဂီၩ့ ဆၧလီၩလၩ့လၬလၩ့ ဆၧထံၪလၩ့ဒီၪလၩ့အီၪဝ့ၫဒၪနီၪလီႉ
ၦအထၪ့ချဲၩ့လၩ့လဖၪအဖၧၩ့ ပၩ့တနီၫဝံးဒီၪ့ ၦဖျိၩ့ဆၨၩလံၬလဲ ဒဲ ဆၧဆၧးဎံၪဆၧးလၩ ခမံတံၫ ခိၪနါ ဒဲ နဲၩရွဲၩၥံၪ ပၪဆ့နီၪလီၫႉ ဂီၩ့နီၪ ၦလၧန့ဘၪ ၦဖျိၩ့လံၬလဲ ၥ့ၪလၩ့ဆၫ့ ခိၪဖၭလဖၪနီၪ ခိၪနါၥံၪ ဖ့ၪလၫ့ထဲၩ့အ့ၪ ခိၪဖၭဂီၩ့တၭ ၦအဂဲၫထၪ့ဆၧထံၪလၩ့ဒီၪလၩ့လဖၪ ၥၭအွံၪလၩ့ဎိၭထဲၩ့ ၦဖျိၩ့ဆၨၩဆၧၥၭအွံၪဂီၩ့ အီၪပထုၬခွံၬ ၦဖျိၩ့ဆၨၩအမုနံၩ ဆၧထံၪလၩ့ဒီၪလၩ့လဖၪအဂဲးပၥ့ၪယၫဘၪလီၫႉ ဆၧပရၧၫ့ယီၩ ပအၪ့န့ဘၪလၧ Ayeyarwaddy Karen Youth အအီၪနီၪလီၫႉ #KarenNationalDay #11February #ayeyarwaddy_karen_youth
#RVAPwoKaren
