စဎွၩအဖိၪခွၫၥၭဘီၩ့ဒဲနးဖျီၩၥၪ (၃)

လၩ့ဆၫ့ဝ့ၫဒၪကမံၩ့နီၪ ၦၡၩမၩၥံၫ နးဖျီၩ့ၥၪအလးနီၪ ၥရိၬကဲၪ့ထၪ့ဝ့ၫကဖျိၪ့လီၫႉ ထီးနီၪ လၧၥရိၬနီၪ ဒဲၩယၬကၭ နံၫဘံၪ့ ဂဲၫအီၪဝ့ၫဒၪကိၭကၠၪလီၫႉ ကနံၩနီၪတၭ စဎွၩအဖျဲလဂၩ လ့ၩလီၩ့ခၬဆၧဖိၪဆၧဎါၥံၪအထီ ဆၧပွံၭအၥၭတၭ ဒၪၥရိၬကဖျိၪ့နီၪ လ့ၩအီၪပွံၭလၧၥရိၬဖၧၩ့အထီ မံၫမၫဝ့ၫဒၪလီၫႉ အဝ့ၫလမံၫဒံၭဘၪအထီနီၪ လီၩ့ဎဲၫ့ဎီၫ့ယိစိၩ ၥရိၬနီၪဒံၭနီၪလီၫႉ ဎံၪလၩဝ့ၫဒၪ ၥရိၬယီၩ မပၫလဲၪဂဲၫၥုၪ့ထၬလဲၪ အၪ့ဎၬဝ့ၫဒၪအထီ နါဂၧၫ့ဒဲၩယၬကၭနံၫဘံၪ့ယီၩ လီၩ့နးဖျီၩ့ၥၪအဂဲး မွဲဝ့ၫ နးဖျီၩ့ၥၪနီၪ လၩ့ယၫ့ၥၭဝ့ၫအၪမၬအကၠီၩ့ ဘဲၫယီၩ စဎွၩအမၫနီၪ မွဲဝ့ၫ ၥံၪ့ကလိၭအကၠီၩ့တၭ ဆၧအဂဲးၥံၪလဖၪယီၩ စဎွၩအဖျဲနါဂၧၫ့ထီးအလူၬတၭ ထဲၩ့လၧနီးဖၧၩ့ဂီၩ့ လီၩဂူၪအ့ၪအစဎွၩနီၪလီၫႉ ဆၧပရၧၫ့ယီၩ စဎွၩနါဂၧၫ့ကထံၪဎး အၥၭထၪ့ဒိၪဒိၪလ့ၬလါနၫ့ အၪ့မၧၫ့ဝ့ၫ လီၩအ့ၪၦၡၩ နးဂၩအ့ၬဂီၩ့ အၪ့မၧၫ့အဖျဲမၩၥံၫခွံၬ ၥံၪ့ကလိၭမုၪၡါနီၪလီၫႉ

လၧခဲၫ့စဎွၩနီၪ လ့ၩလၧ ၥရိၬနီၪဂီၩ့ အၪ့ကံၩ့အၪ့ယၫထဲၩ့ နးဖျီၩၥၪ အၪ့မၧၫ့ဝ့ၫထဲၩ့ဖိၬအခဲၫ့လၧ နီးဖၧၩ့လါနၫ့ မွဲနးဖျီၩၥၪလလ့ၩဘၪဒဲ စံၭဆၧၫ့ထဲၩ့ဝ့ၫ ကထဲၩ့အီၪထဲၩ့မွဲ အဲၩ့ၥဲၭအီၪနီၪလီၫႉ လါနၫ့ စဎွၩနီၪ အၪ့ကံၩအၪ့ယၫ နးဖျီၩၥၪ ကဘျၩ့ဂီၩ့ ကဘျၩ့ကကၠၪ နးဖျီၩၥၪစံၭဆၧၫ့ထဲၩ့ အ့ၪမွဲနမုၫလါယလ့ၩဖိၬနခဲၫ့ လၧနီးဖၧၩ့နီၪ နကဘၪစုၪ့လၩ့ထၬနၥၭလၧ ထံၫကျၩ နွ့ၫနံၩနွ့ၫနၩနီၪလီၫ အနီၪနမၩနၧၩ့ဧၪအခၫ စဎွၩနီၪအဲၪနးဖျီၩၥၪတၡါအကၠီၩ့ စံၭဆၧၫ့ထဲၩ့ဝ့ၫ ယမွဲဒၪနအၪ့မၧၫ့ယၧၩ ယကမၩထီးအလူၬလီၫႉ လၧခဲၫ့ထုၬ စဎွၩဒဲနးဖျီၩၥၪ အၥိၭနံၫဂၩယီၩ ထၪ့အီၪဎုၬ အဖိၪအလံၩၥံၪအီၪအၪမၬဒဲ အဲၪလိၬၥၭထီးအၥံၫအၡါနီၪလီၫႉ