3rd Sunday (သုံးကြိမ်မြောက်သာမန်တနင်္ဂနွေနေ့)

ယ့ၫရှူၬစၭထၪ့အဆၧမၩလၧဂၫလလံၫ. ———— ထီးယ့ၫရှူၬနါဂၧၫ့ လၧစယီဟၫ့လၩ့ဘၪဝ့ၫလၧ ထီၫ့ဖၧၩ့တၭ,ထဲၩ့ထဲၩ့ဝ့ၫလၧဂၫလလံၫအဖၧၩ့နီၪလီၫ. စဲၪ့ထၪ့ခွံၬလၧနၭဇရ့ၭနီၪ, လ့ၩအီၪဝ့ၫလၧ ကပၧနအၫ့အဖၧၩ့ အီၪဘူၭလၧကွံၩ, လၧခးဇ့ၭဘလၧၫ့ဒဲ ခးနၭၥလဲၫအနဲၩ့ထံၭ, ဘဲၫမီၪစအဲၫစ့ယၫအလူနီၪ မိလၧၫ့ထၪ့ဎွ့ၩထၪ့ဝ့ၫအၥိၭ, အလူနီၪစံၭဝ့ၫဒၪ. ခးဇ့ၭဘလၧၫ့, ဒဲခးနၭၥလဲၫ, လၧကွံၩနဲၩ့ထံၭ, လၧယီၫဒၫ့ဝါလခီၫ, ဂၫလလံၫဘၪဆဲၫ့ လၧၦဆၨၩလဖၪ ၦခမျၧးၥံၪလၧ အဆၧၫ့နၩ့လၧဆၧခံၭကျၩနီၪ, ဒၪဘၪဝ့ၫလၧဆၧဖၩ့ဖၭဒိၪ, ဒဲၦဆၧၫ့နၩ့ လၧဆၧၥံၫအခးအလၩၡုၪအဖၧၩ့လဖၪနီၪ, ဆၧဖၩ့ဂဲၫထၪ့ လၧအဝ့ၫၥံၪအဂးလီၫ. လၧအဆၧၫ့အထီနီၪ ယ့ၫရှူၬလီၩလၩ့လၬလၩ့ ဆိၫဆၧတၭ, စံၭဝ့ၫဒၪ, နီၫ့ယါလၩ့ထဲၩ့ နၥံၪအၥၭဆံၭ. အဂဲးဘဲၫယီၩ မူၭခိၪအဘၩ့အမုးနီၪ ဘူၭထၪ့ယူၭလီၫ. ယ့ၫရှူၬကိၭန့ၦမၩယၪလံဂၩ. ယ့ၫရှူၬsလ့ၩဝ့ၫလၧကွံၩဂၫလလံၫအနဲၩ့ထံၭတၭ, ဒၪဘၪၦထၧၫ့ဖုဝဲနံၫဂၩ, စစဲမၧၫ့ကိၭဝ့ၫစပံတၧၫ ဒဲအထၧၫ့ဖုဝဲစအၫ့ဒူၫ,ခွံၬၡၬလၧကွံၩဖၧၩ့နီၪး အဂဲး ဘဲၫယီၩမွဲၦၡၩမၩယၪလီၫ. ယ့ၫရှူၬစံၭအဝ့ၫၥံၪ, ဂဲၫဖိၬယခဲၫ့ဆံၭ, ယမိအၪ့မၧၫ့နၥံၪခွံၬၡၬန့ၦၡၩလီၫ. အဝ့ၫၥံၪစဲၪ့ဒၪခွံၬအၡၬချဲၫ့မၬတၭ,ဖိၬထၪ့အခဲၫ့လီၫ. လ့ၩဝ့ၫဖီၩ့ခွံၬထီးနီၪတၭ,ဒၪဘၪၦထၧၫ့ဖုဝဲအဂူၫဂၩနံၫဂၩ, စဇ့ၭဘဒံၫအဖိၪခွၫစယ့မံၭ, ဒဲအထၧၫ့ဖုဝဲစယီဟၫ့ အီၪလၧအဖါ စဇ့ၭဘဒံၫအၥိၭလၧ ချံၫဖၧၩ့ဆၭထဲၩ့အၡၬနီၪတၭ, အဝ့ၫဒၪ ကိၭန့အဝ့ၫၥံၪလီၫ. အဝ့ၫၥံၪစဲၪ့ဒၪခွံၬအၡၬဒဲအဖါချဲၫ့မၬတၭ, ဖိၬထၪ့ဝ့ၫအခဲၫ့လီၫ. ယ့ၫရှူၬၥီၪ့ထဲၩ့ဆၧ, လီၩလၩ့ဆၧဒဲမၩဘျၪထဲၩ့ဆၧ. ယ့ၫၡုၬစဲၪ့ဝံၩ့ဝၩ့ လၧဂၫလလံၫထၧၫ့ခးယၫတၭ, ၥီၪ့ထဲၩ့ၥၫ့ထဲၩ့ဆၧ လၧၥရိၬဖၧၩ့, ဒဲလီၩ့လၩ့လၬလၩ့ ဘၩ့မုးအဆၧၥၭထိၬအပရၧၫ့ဒဲမၩဘျၪထဲၩ့ ကယဲဆၧစူၭဆၧဆၫဒဲကယဲဆၧဆီၫ့ခိၬဆီၫ့ကဲၩ့ လၧၦခမျၧးအကျၩcထီးအလူၬလီၫ.-