Jan 23ၥၫ့ ဆၧၥၭထိၬပရၧၫ့
ယ့ၫၡုၬရွံန့အထံၩအဖျဲလဆံၫနံၫဂၩ. မွဲအလ့ၩထၪ့လၧခိၪလီၩ့အလီၩ့တၭ, ကိၭန့ၦလၧ အဘၪအၥၭလဖၪနီၪ, အဝ့ၫၥံၪဂဲၫလၧအအီၪလီၫ. အဝ့ၫဒၪအီၪက့ၪလၩ့ၦလဆံၫနံၫဂၩ ဘဲၫအမိအီၪလၧ အၥိၭတၭ, ဘဲၫၥိၭအမိအၪ့မၧၫ့ အလ့ၩလီၩလၩ့လၬလၩ့ဆၧ, ဒဲအီၪဝ့ၫ လၧအစီၩ့အမၩ့ ဘဲၫၥိၭအမိမၩဘျၪထဲၩ့ ဆၧစူၭဆၧဆၫ, ဒဲနၫ့ထၪ့ခွံၬဆၧနၪလဖၪလီၫ. စစဲမၧၫ့ကိၭဝ့ၫ အမံၩ့အၥၫ့လၧစပံတၧၫ, ဒဲစဇ့ၭ ဘဒံၫအဖိၪခွၫ စယ့မံၭ အထၧၫ့ဖုဝဲစယီဟၫ့ ကိၭဝ့ၫအမံၩ့အၥၫ့စဘိအနၧက့ၭ, ဘဲၫၦစံၭဆၧအၥိၭ, ၦလၫ့အဖိၪခွၫၥံၪလီၫ.ဒဲစအၫ့ဒူၫ,ဒဲစဖံလံၭ, ဒဲစဘၫၥီလမုၫ,ဒဲစမၭၥုၫဒဲစထီမၭ, ဒဲစအၫလဖံအၧၭ အဖိၪခွၫစယ့မံၭ, ဒဲစၥၭဒံအၧၭ, ဒဲၦကၫနအၫ့ဖိၪ စစဲမၧၫ့, ဒဲၦလၧအဖ့ၪလၫ့ခွံၬအဝ့ၫ စယုဒၫအံၭစကၫရအၧၭနီၪလီၫ.
