လၩဇၫ့နွ့ၫရံၫ၁၉ၥၫ့ ဆၧၥၭထိၬပရၧၫ့

ဆၧအၪ့စၪ့ဘၪဆဲၫ့ဆၧဒုၪဆၧအၪ့ဆၧအီၩ. (မၭ ၉:ၥ0-ၥ0, လု ၅:၃၃-၃၉) စယီဟၫ့,ဒဲၦဖၫရစံၫအထံၩအဖျဲၥံၪ ဒုၪဆၧအၪ့ဆၧအီၩတၭ, ဂဲၫဝ့ၫလၧအအီၪ, စံၭဝ့ၫဒၪ, မွဲဘၪနီၫလၧစယီဟၫ့, ဒဲၦဖၫရစံၫအထံၩအဖျဲၥံၪ ဒုၪဆၧအၪ့ဆၧအီၩတၭ,နထံၩနဖျဲၥံၪလဒုၪဘၪဆၧအၪ့ဆၧအီၩလဲၪ.- ယ့ၫၡုၬလီၩဘၪအဝ့ၫၥံၪ, ထီးတလၭမူၭအခွၫ အီၪလၧအၥိၭအဘိၩ့ဘၭနီၪ, တလၭမူၭအဖျဲၥံၪ ဒုၪဆၧအၪ့ဆၧအီၩမိၥ့ၪဧၪ. တလၭမူၭအခွၫအီၪလၧအၥိၭ အ ဘိၩ့အဘၭတၭ, အဝ့ၫၥံၪဒုၪဆၧအၪ့ဆၧအီၩၥ့ၪအ့ၬ. မွဲလါနၫ့ဘိၩအနံၩအၥၫ့မိဘၪလၧ ဆၧမိထုၭဖၭ တလၭမူၭအခွၫလၧအအီၪလီၫ. ထီးနီၪလဖၧၫ့ မွဲအမိဒုၪဆၧအၪ့ဆၧအီၩလၧမုနံၩနီၪလီၫ.- ဆၧအကီၩ့အၥိၭအလံၩနီၪ ၦဆၭဘုၭထၬဝ့ၫလၧဆၧအၥၫ့နးဂၩအ့ၬ. အ့ၪမၩဝ့ၫဘဲၫနီၪတၭ, ဆၧအၥၫ့လၧအမၩဎွ့ၩဝ့ၫနီၪ,မိၡၫ့ယၬခွံၬဆၧအလံၩတၭ, အဖၧၩ့လးနီၪ ယၬလဲထၪ့ဝ့ၫ လီၫ.- ဆၧလၧထိၪ့ဆၧဖံၭအလံၩအဖၧၩ့နီၪ, ၦလူၫနုၬဝ့ၫစဘံၭထံၫအၥၫ့အ့ၬ. အ့ၪမၩဝ့ၫဘဲၫနီၪတၭ, စဘံၭထံၫအၥၫ့ မိမၩဖီးဖၭ ထိၪ့ဆၧဖံၭနီၪတၭ, စဘံၭထံၫယွၩလၩ့ခွံၬဝ့ၫတၭ, ထိၪ့ဆၧဖံၭ မိဂၭဂီၩ့ဝ့ၫလီၫ.အ့ၪမွဲစဘံၭထံၫအၥၫ့နီၪ ၦလူၫနုၬဝ့ၫလၧထိၪ့ဆၧဖံၭအၥၫ့အဖၧၩ့လီၫ.