2နွ့ၫလနွ့ၫ မုအီၪပွံၩနံၩ
ယွၩအၥိၪဖိၪ. ကဲဂီၩခိၬလနံၩအဝ့ၫနီၪဒၪဘၪယ့ၫၡုၬ ဂဲၫလၧအအီၪတၭ, စံၭဝ့ၫဒၪ, ယွၩအၥိၪဖိၪလၧအဆိၬန့ခွံၬ ၦဂၪ့ခိၪဖိၪအဆၧဒဲၩဘၭနီၪ, ယိခွါဆံၭ. အဝ့ၫဒၪယီၩ မွဲၦလၧယစံၭဆၧလၧအဂဲး, ၦမိဂဲၫလၧ ယလးခဲၫ့လဂၩနီၪ, ဒိၪနဲၪ့ယၧၩ, အဂဲးဘဲၫယီၩ မွဲအအီၪဆိၫနဲၪ့ယၧၩလီၫ.- ယဝ့ၫဒၪယီၩယၥ့ၪယၫအဝ့ၫနီၪအ့ၬ. ဘဲၫၥိၭအမိအီၪဖျီၪထၪ့ လၧအံၫစရ့လၭအမ့ၬယၫအဂဲး တၭ,ယဂဲၫဘၭတံၫဇၫ့ဆၧလၧထံၫကျၩလီၫ. စယီဟၫ့ထိးအၥၭတၭ, စံၭဝ့ၫဒၪ,ယဒၪဘၪၥၭမုနီၪ ဂဲၫလၩ့လၧမူၭခိၪလၩ့ဂၬလၧထိၪလွံတၭ,အီၪဝ့ၫလၧအလီၩ့လီၫ.- တၭအဝ့ၫဒၪနီၪယၥ့ၪယၫအ့ၬ. အ့ၪမွဲၦ လၧအအၪ့မၧၫ့ယဂဲၫဘၭတံၫဇၫ့ဆၧလၧ ထံၫကျၩလဂၩ,အဝ့ၫနီၪစံၭယၧၩ, ၦလၧနဒၪဘၪၥၭမုဂဲၫလၩ့အီၪဝ့ၫလၧ အလီၩ့တၭ အဝ့ၫနီၪလဂၩမိဘၭတံၫဇၫ့ဆၧလၧ ၥၭမုဆံၫ့ဎံၪအဖၧၩ့လီၫ.- ယဒၪဘၪယူၭတၭ, ယထိးယူၭယၥၭယူၭ, လၧအဝ့ၫနီၪ မွဲယွၩအဖိၪခွၫလီၫ.
