လၩဇၫ့နွ့ၫရံၫ၁၅ၥၫ့ ဆၧၥၭထိၬပရၧၫ့
ယ့ၫၡုၬမၩဘျၪထဲၩ့ၦခံၫထူၬဆၫအၧၩ့လဂၩ. ၦအခံၫထူၬဆၫအၧၩ့လဂၩ ဂဲၫလၧအအီၪတၭ, ချံၭလၩ့အခၪ့လၧအခၪ့ထံၭ အၪ့ကံၩ့အၪ့ယၫဝ့ၫ, စံၭဝ့ၫဒၪ, နၥၭအ့ၪအီၪလၧ နမိမၩဆံၫ့ထၪ့ထဲၩ့ယၧၩတၭ, နမၩနဝ့ၫၥ့ၪလီၫ. ယ့ၫၡုၬယၫ့ၥၭဝ့ၫတၭ, ယူၬထၪ့အစူၪထိၭဘၪဝ့ၫတၭ, စံၭဝ့ၫဒၪ, ယၥၭအီၪ,မွဲနဆံၫ့ထၪ့ထဲၩ့ဆံၭ.- တၭအဆၧခံၫထူၬဆၫအၧၩ့ စဲၪ့ထၪ့ခွံၬ လၧ အလီၩ့ချဲၫ့မၬတၭ, ဆံၫ့ထၪ့ထဲၩ့ဝ့ၫလီၫ.အဆၧမၪလူၬဝ့ၫဆီၪ့ဆီၪ့ဂီၩ့, ကွဲၪဖျါဝ့ၫဒၪချဲၫ့မၬတၭ,စံၭအဝ့ၫနီၪ ထီးလၩ့နၥၭဘဲၫၥိၭနထီးလီၩဘၪ ၦနးဂၩလၧဆၧနးမံၩ့လဂ့ၩ မွဲလါနၫ့ဘိၩ လ့ၩဒုၭနဲၪနၥၭလၧၦလုဆၧတၭ,မၩဘိၪ့ဆၧလၧစမိစ့ၭမၪလူၬဝဲၩဝ့ၫနီၪ လၧနဆံၫ့ထၪ့အကၠီၩ့ လၧဆၧထိးအၥၭလၧအဝ့ၫၥံၪaအဂးဆံၭ. မွဲလါနၫ့ဘိၩ အဝ့ၫဒၪစဲၪ့ထၪ့ခွံၬလီၩဘၪၥၫ့ဆၧ အၪအၪလ့ၬတၭ,မၩဂၧၫ့ထၪ့ၥၩလၩ့ဆၧနီၪ ထီးယ့ၫၡုၬလ့ၩနုၬအီၪဖျီၪဝ့ၫ လၧဒိၩ့ဖၧၩ့ၥ့ၪလၧၩ့အ့ၬ. အ့ၪမွဲအီၪဝ့ၫလၧမံၩ့လၬကျၩတၭ, ၦၡၩဂဲၫထၪ့လၧအလး ကိၭစီၪ့ဒ့ၭတၭ, ထီၩ့လၧအအီၪနီၪလီၫ.
