ပဘၪအီၪထးန့ၫကဂၩ ပၥၭဆံၭအီၪစွါဘဲၫ ပကဘၪ အီၪဖျါထုၬဆၧအယီၩဘဲၫၥ့ၪလဲၪအဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ပဘၪအီၪထးန့ၫကဂၩ ပၥၭဆံၭအီၪစွါဘဲၫ ပကဘၪ အီၪဖျါထုၬဆၧအယီၩ ဘဲၫၥ့ၪလဲၪအဂဲးအကၠီၩ့နီၪလီၫႉ ကဆါဎြံၬလီၩထၬဆၧကမံၩ့နီၪ မွဲဝ့ၫဒၪပကဘၪအဲၪၦဂူၫဂၩနီၪလီၫႉ ဆၧၥၭမၧၫ့ကမံၩ့နီၪ ပဘၪကၧၩ့ထၪ့ထၬလၧ ဆၧဖံၭထံၩဖံၭၥိၭနီၪလီၫႉ ဆၧနီၪအကၠီၩ့ ပကဘၪ အုၩ့လၫ့ထီၫလၫ့လၧ ဆၧၡူၪဆၪမုၬဒဲ ဆၧအဲၪဆၧကွံၩနီၪလီၫႉ ၦဆံၫ့ဎံၪ Francis Assi လီၩထၬဆၧချဲၩ့အီၪဝ့ၫကမံၩ့နီၪ ၦကိၭဂၩအီၪၥၭမၧၫ့ဖၧၩ့နီၪ လဂၩဘၪလဂၩ ဆၧယူၭယၫ့ ကဘၪအီၪအဂး အရ့ၩဎိၩထုၬနီၪလီၫႉ
လကၭဒ့ၭဘၪ ပကဘၪထုၬဆၧၫ့လိၬၥၭႇ ပကဘၪ ခိနၫအ့ၪလိၭၥၭႇ ပကဘၪချဲၩ့ဒၧၫ့လိၭၥၭနီၪလီၫႉ ဆၧအယီၩနီၪ ဎရံၬဖိၪၥံၪအဂး မွဲဝ့ၫဆၧပရၧၫ့အဂ့ၩထုၬနီၪလီၫႉ ကဆါဎြံၬလီၩထၬဝ့ၫဒၪ ဆၧအဲၪဆၧကွံၩနီၪ မွဲဝ့ၫၦကိၭဂၩအဂး နီၪလီၫႉ လၧခဲၫ့လီၩထၬဝ့ၫကမံၩ့နီၪ မွဲဝ့ၫ ပကဘၪ ၥီၪ့လိၪပၥၭလၧ ကဆါဎြံၬအဆၧအဲၪဆၧကွံၩဖၧၩ့နီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ ကိၭဖံၭၥိၭထၬဆၧနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ
