လၩဇၫ့နွ့ၫရံၫ၁၀ၥၫ့ ဆၧၥၭထိၬပရၧၫ့

ယ့ၫၡုၬဒဲစယီဟၫ့. ဆၧနီၪလဖၪအလးခဲၫ့တၭ, ယ့ၫၡုၬဒဲအထံၩအဖျဲၥံၪ လ့ၩလၧခးယုဒၫတၭ အီၪဝ့ၫလၧအဝ့ၫၥံၪအၥိၭ ထီးနီၪတၭ,ဘၭတံၫဇၫ့ဆၧလီၫ.- စယီဟၫ့ ဘၭတံၫဇၫ့ ဆၧလၧအံနၧၫ့ ဘူၭလၧစ့လံၫ့နီၪ,အဂဲးဘဲၫယီၩ မွဲထံၫအၪလၧအလးထီးနီၪလီၫ. တၭၦၡၩၥံၪဂဲၫဒိၭဘၭတံၫဇၫ့အၥၭလီၫ.အဂဲးဘဲၫယီၩစယီဟၫ့လၩ့လၧထီၫ့ဖၧၩ့ဒံၭအ့ၬ. မၩအၥၭဘဲၫနီၪတၭ, စယီဟၫ့အထံၩအဖျဲၥံၪ, ဒဲၦယုဒၫဖိၪၥံၪတ့ၭလိၬအၥၭလၧၥူၫဝၭဆံၫ့ဆၧအထူၫအရူၫအဂဲးအကၠီၪ့လီၫ. အဝ့ၫၥံၪဂဲၫလၧစယီဟၫ့အအီၪတၭ, စံၭအဝ့ၫ, ရၭဘံၫဧ့, ယိခွါ, ၦအီၪလၧနၥိၭလၧ ယီၫဒၫ့ဝါလခီၫ, လၧနထိးနၥၭလၧအဂဲးလဂၩနီၪ, ဘၭတံၫဇၫ့ဆၧတၭ, ၦကိၭဂၩဒ့ၭလ့ၩလၧအအီၪလီၫ.စယီဟၫ့ချဲၩ့ဆၧၫ့ဆၧတၭ, စံၭဝ့ၫ,ဆၧအ့ၪလဖ့ၪလၫ့ဘၪဝ့ၫလၧမူၭခိၪလခီၫနီၪ, ၦလဂၩဂၩန့ဘၪဆၧၥ့ၪနးမံၩ့အ့ၬ. နၥံၪမိထိးနၥံၪအၥၭ လၧယလီၩဘၪယူၭနၥံၪယီၩ, ယလမွဲဘၪဎရံၬတၭ, မွဲဆၧအၪ့မၧၫ့လၩ့န့ယၧၩလၧဎရံၬအမ့ၬယၫလီၫ. ၦလဂၩန့ဘၪ တလၭမူၭအမုၪနီၪ, မွဲတလၭမူၭအခွၫတၭ, မွဲလါနၫ့ ဘိၩ,တလၭမူၭအခွၫအထံၩအၥိၭcဆၧၫ့ထုၪ့တၭ, နါဂၧၫ့ဘၪတလၭမူၭအခွၫအလူနီၪ ၥၭထိၬမၬဝ့ၫလီၫ. မၩအၥၭဘဲၫနီၪတၭ, ယဆၧၥၭထိၬယီၩလၧၫ့ထၪ့ဎွ့ၩထၪ့ဝ့ၫလီၫ.- အဝ့ၫဒၪနီၪမိဘၪအၪထၪ့ဝ့ၫဒၪတၭ, အ့ၪမွဲယဝ့ၫဒၪယီၩ, ယဘၪလၩ့ၡၩထဲၩ့ဝ့ၫလခီၫလီၫ.