January 8ၥၫ့ လံၬဆံၫ့ဎံၪ
ယ့ၫၡုၬစၭထၪ့အဆၧမၩလၧခးဂၫလလံၫ.
ယ့ၫၡုၬထဲၩ့ထဲၩ့ဝ့ၫလၧ ဂၫလလံၫ အီၪဝ့ၫလၧၥၭမုအစီၩ့အမၩ့လၧအလီၩ့တၭ, အပရၧၫ့ဂၧၫ့ထၪ့ၥၩလၩ့ ထၧၫ့ခးယၫလီၫ. အဝ့ၫဒၪၥီၪ့ထဲၩ့ၥၫ့ထဲၩ့ဆၧ လၧအဝ့ၫၥံၪအၥရိၬလဖၪအဖၧၩ့တၭ, ၦထီးအလူၬစံၭထၪ့အၪ့အူၭဝ့ၫဒၪလီၫ.
ၦနၭဇရ့ၭဖိၪလထိးဆၧၫ့ဘၪယ့ၫၡုၬ.
အဝ့ၫဒၪထဲၩ့ထဲၩ့ဝ့ၫလၧ နၭဇရ့ၭ လၧအဒိၪထၪ့ဝ့ၫလၧအဖၧၩ့တၭ, ဘဲၫအထူၫအရူၫဒၪဝ့ၫအၥိၭနီၪ, ဘၪမးၥံၫအနံၩတၭ, လ့ၩနုၬဝ့ၫလၧၥရိၬဖၧၩ့နီၪ, ဂဲထုၪ့ဝ့ၫဘဲၫၥိၭအမိဖီဘၪလံၬလီၫ. ဆၧဖ့ၪလၫ့အဝ့ၫလၧ မီၪစအဲၫစ့ယၫအလံၬလီၫ. ပၠၪလၩ့လံၬနီၪတၭဒၪ န့ဝ့ၫအလးထီးဆၧကွ့ၭဝ့ၫ,ယွၩအၥၭအီၪလၧယလီၩ့လီၫ.အဂဲးဘဲၫယီၩ ဂုၪယူၭယၧၩ ဘဲၫၥိၭယမိလီၩလၩ့လၬလၩ့ ဆၧၥၭထိၬအပရၧၫ့ လၧၦၡၪ့ဖိၪယၬဖိၪလီၫ. အၪ့မၧၫ့လၩ့ယၧၩ ဘဲၫၥိၭယမိမၩဘျၪထဲၩ့ ၦအၥုၪ့ခါအၥၭလၩ့, ဘဲၫၥိၭယမိကိၭထၪ့ဆၧဖီၩ့ဖျ့ၭလၧၦဘၪဆၧ အၪ့မၧၫ့ဎီးဝ့ၫအဂး, ဒဲဒုၭဒၪထၪ့ထဲၩ့ၦလၧ အမ့ၬဘျီၪ, ဘဲၫၥိၭယမိဖျါခွံၬၦဘၪဆၧမၩအၧၩ့oမၩနၭဝ့ၫ, ဘဲၫၥိၭယမိမၩဂၧၫ့ထၪ့ၥၩလၩ့ နံၪ့လၧအဘၪယွၩအၥၭနီၪလီၫ. အဝ့ၫဒၪထူၫထၪ့ထဲၩ့လံၬတၭ, ဖ့ၪလၫ့ထဲၩ့ဝ့ၫလၧ ဆၧအခ့ၫအၡၩလဂၩနီၪ, ဆၧၫ့နၩ့ထဲၩ့ဝ့ၫလီၫ. ၦအီၪလၧၥရိၬဖၧၩ့ကိၭဂၩဒ့ၭလဖၪနီၪ, ယိအမ့ၬထံၫထံၫဆၭဆၭလီၫ. အဝ့ၫဒၪချဲၩ့ထၪ့ၥၫ့ဆၧလၧအဝ့ၫၥံၪ, စံၭဝ့ၫ,ဆၧကွ့ၭအၥၭယီၩ, လၧၫ့ထၪ့ဎွ့ၩထၪ့လၧနၥံၪ အနါဖၧၩ့လၧမုဆၫလနံၩယီၩလီၫ.
