ၥၭမၧၫ့အဆိၩအကၠၪအဂး ကဆါယွၩဝဲထၪ့ထၬအ့ၪပၧၩ ဖၧၩ့ၥၭအီၪဝ့ၫဒၪအဂဲး

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ  ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ  ၥၭမၧၫ့အဆိၩ့အကၠၪအဂး ကဆါယွၩဝဲထၪ့ထၬအ့ၪပၧၩ ဖၧၩ့ၥၭအီၪဝ့ၫဒၪအဂဲး အကၠီၩ့နီၪလီၫႉ ၦလၧၥံၫဖီၩ့ခွံၬလဖၪနီၪ ဖၬထၬထးပၧၩ လါနၫ့ ၦလၧအီၪထးကဒီၪနီၪ နၪ့ထၪ့အဝ့ၫၥံၪ ကိၭကၠၫနီၪလီၫႉ အဆၫ့လၧၫ့ထုၬနီၪ အဝ့ၫၥံၪအီၪၥၭမၧၫ့အခံၫ့ ဖီၫ့ထၪ့ဖံၭထၪ့ထၬဆၧမၩအီၪ ကဒီၪ့နီၪ ပဒၪထဲၩ့ ဘၪစွါဘဲၫ ပနၪ့ထၪ့ထဲၩ့အဝ့ၫၥံၪအၪမၬဒ့ၭနီၪလီၫႉ

ဆၧနီၪအကၠီၩ့ ပဘၩဆိၪဖၪန့ ၦလၧၥံၫဖီၩ့ခွံၬၥံၪလဖၪအဂးနီၪ ပနၪ့ထၪ့အဝ့ၫၥံၪႇ ပၥၭနၪ့အဝ့ၫၥံၪ လန့ဘၪကမံၩ့လီၫနီၪ မွဲအ့ၬႇ အဝ့ၫၥံၪနးၥၭ ကလ့ၩထီၩ့လၧ ကဆါယွၩအီၪအဂး ပဘၩဆိၪဖၪန့အဝ့ၫၥံၪအဂး နီၪလီၫႉ ဆၧအလးယီၩနီၪ ပအထီလၧယၫအဂး မွဲဝ့ၫဆၧယိလါနီၪလီၫႉ ပအီၪၥၭမၧၫ့ အဆိၫထုၬနီၪ လၧဆၧအဲၪ ဆၧကွံၩဖၧၩ့ ပကထဲၩ့ဒၪလိၬၥၭလၧ ကဆါယွၩအီၪနီၪလီၫႉ ဆၧနီၪအကၠီၩ့ ၦကိၭဂၩ ၥၭမၧၫ့ဆိၩ့ကၠၫအဂး ကဆါယွၩ ဝဲထၪ့ထၬအ့ၪပၧၩ ဖၧၩ့ၥၭအီၪဝ့ၫဒၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ  ၥီၪ့ၥၫ့ထၬဆၧ ဘဲၫယီၩၥိၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ