ကဆါယွၩနီၪ ရွံထၪ့ၦၡၪ့ဖိၪၥံၪအဂဲး
ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ကဆါယွၩနီၪ ရွံထၪ့ၦၡၪ့ဖိၪၥံၪအဂဲးအကၠီၩ့နီၪလီၫႉ ကဆါယွၩနီၪ ဆၧအဲၪဆၧကွံၩဒဲ ဆၧယၫ့ၥုၪ့ယၫ့ၥၭအီၪလၧ ၦၡၪ့ဖိၪၥံၪအဖၫ့ခိၪအၪမၬဒ့ၭနီၪလီၫႉ အဝ့ၫဂဲၫလၩ့လၧ ဂၪ့ခိၪဖၧၩ့ယီၩနီၪ ဂၪ့ခိၪဖိၪၥံၪ ကဖီၩ့ဖျ့ၭလၧ ၦဎီးၡၩအဂးႇ ကဖီၩ့ဖျ့ၭလၧ ဆၧၥၭမဲၪဆၧအဂးႇ ကဖီၩ့ဖျ့ၭလၧ ဆၧမၪအဂးနီၪလီၫႉ ဆၧတီၩလီၩဒဲ ထၧၫ့ဖုထၧၫ့ဝဲၥံၪ အၥၭလုကအီၪလၧ ၦၡၪ့ဖိၪၥံၪ အဖၫ့ခိၪအဂး ကဆါယွၩနီၪ ဖၬထၬအ့ၪဝ့ၫ အလးနီၪလီၫႉ
ကဆါယွၩနီၪ ၦၡၪ့ဖိၪၥံၪအဂး မွဲဝ့ၫဒၪ အထံၩၥိၭနီၪလီၫႉ ကဆါယွၩ အဆၧအဲၪဆၧကွံၩနီၪ မၩဖျီၪထၪ့ဝ့ၫလၧ ပဒၩ့ထၬၦၡၪ့ဖိၪၥံၪဒဲ မၩဆၧၩ့ ၦလၧအဂဲးဆံၭလဖၪနီၪလီၫႉ လၧခဲၫ့ထုၬနီၪ ကဆါယွၩ အၥၭခံဖၧၩ့နီၪ ၦၡၪ့ဖိၪၥံၪအဂး ဖၬထၬဝ့ၫအလး ကိၭကၠၪဒ့ၭအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ ၥီၪ့ၥၫ့ထၬဆၧဘဲၫယီၩၥိၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ
