ပကဘၪ မၩန့ဆၧမၩလိၪလၧ ၦဆံၫ့ဎံၪၥံၪအီၪအဂး ၥုၪ့ဆီၪ့ၥၭဆီၪ့ကဘၪအီၪအဂဲး

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪ မၩန့ဆၧမၩလိၪလၧ ၦဆံၫ့ဎံၪၥံၪအီၪအဂး ၥုၪ့ဆီၪ့ၥၭဆီၪ့ကဘၪအီၪ အဂဲးအကၠီၩ့နီၪလီၫႉ ၦဆံၫ့ဎံၪၥံၪယီၩ အဝ့ၫၥံၪ ဂဲၫထဲၩ့ အီၪၥၭမၧၫ့ထၧၫ့ဘီၩ့ယၫနီၪ ကဆါဎြံၬဒဲ ဎရံၬဖိၪၥံၪအဂး အဝ့ၫၥံၪဖ့ၪလၫ့လၩ့ၥၭနီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩထၬဝ့ၫလၧ ၦၡၩရွံထၪ့ ၦဆံၫ့ဎံၪ ၇ ဂၩမုနံၩဒၪအိၩနီၪလီၫႉ

လၧခဲၫ့ကမံၩ့လီၩထၬဝ့ၫနီၪ ၦဆံၫ့ဎံၪၥံၪနီၪ  အ့ၪဘၪဒၪဆၧၫ့ယၫလၧ ဆၧမၩနၧၩ့မၩစၪဆၧအခံၫ့ ခွံၬၡိၭထးဎရံၬဖိၪၥံၪနးဆ့ၭအ့ၬႇ အဝ့ၫၥံၪယီၩ ဎရံၬဖိၪၥံၪအဂး မွဲဝ့ၫအဂဲးအဘၭနီၪလီၫႉ လကၭဒ့ၭဘၪ ဆၧဆူၩနဲၩအဂး ထိးၥံၫၥၭဘၧၫ့ဒူၩဒူၩနီၪလီၫႉ ပကယိ ၦဆံၫ့ဎံၪထီးလူၬယီၩစွါဘဲၫ ပကဒၪဘၪဆၧမီၪ့ဎီၩ့နီၪ မွဲဝ့ၫဒၪ ကဆါဎြံၬအဂးႇ ၥၫထနၫအဂးႇ ဆၧဆူၩနဲၩအဂး အဝ့ၫၥံၪ ဖ့ၪလၫ့လၩ့ၥၭ ဘၧၫ့ကိၭဂၩနီၪအကၠီၩ့ ၦၡၩရွံထၪ့ ၦဆံၫ့ဎံၪ ၇ ပၧၩမုနံၩဒၪအိၩ ပကဘၪ မၩန့ဆၧမၩလိၪလၧ ၦဆံၫ့ဎံၪၥံၪအီၪအဂး ၥုၪ့ဆီၪ့ၥၭဆီၪ့ကဘၪအီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ ကိၭဖံၭၥိၭထၬဆၧနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ