မၫ့ခၫဒိၪ ဖာသာရ်ဗင်းဆင်းမၩ့ၥူၫလဲၫ့ ကဲၪထၪ့ၥၫ့ခၫ ဎွ့ၩထၪ့၃၈နံၪ့ ယူၩဘလံၫ

မၫ့ခၫဒိၪ ဖာသာရ်ဗင်းဆင်းမၩ့ၥူၫလဲၫ့ ကဲၪထၪ့ၥၫ့ခၫ ဎွ့ၩထၪ့၃၈နံၪ့ ယူၩဘလံၫ နံၪ့၂၀၂၅နံၪ့ လၩဒံၫဇဲၩ့ဘၧၫ ၇ၥၫ့ မုဆၫခီၫနီၪ ၥၫ့ခိၪဒိၪ လ့ၩထီၩ့စိၩလၧ ဆၧရွံခီၫ့ဆၧအီၪကီၪ့ မ့ၫရံၫကိၩ့တဝၫ့နီၪလီၫႉ အဂၫလၩ့ ၄နၩရံၫအခံၫ့နီၪ လုထၪ့လၩ့ဎိၭမံဆၩဆၧလုထၪ့ဒဲ မၩလၩမၩဖၩ့ၡီၩ့ ၥၫ့ခၫဖာသာရ်ဗင်းဆင်းမၩ့ၥူၫလဲၫ့ ကဲၪထၪ့ ဘိၪ့ခိၪၥၫ့ခၫ ဎွ့ၩထၪ့ ၃၈နံၪ့ ယူၩဘလံၫနီၪလီၫႉ ၦလၧအလ့ၩခိၪလ့ၩနါလုထၪ့ မံဆၩဆၧလုထၪ့နီၪ မွဲဝ့ၫဒၪလၧ ဒိၩ့ပၥံၫ့ဆၧအီၪကီၪ့ ၥၫ့ခိၪဒိၪ Bp.Henryမၩ့အဲၪချံၫ့ဂီၩ့ ထီးလူၬၥၫ့မုၥၫ့ခၫလဖၪ လ့ၩထၪ့ဖ့ၪဂဲးဖ့ၪဘၭ အီၪဝ့ၫဒၪ ဖိၭဘိၭ ၂၁ဂၩနီၪလီၫႉ ၥၫ့ခိၪဒိၪ ဒဲၥၫ့မုၥၫ့ခၫလဖၪ လုထၪ့လၩ့ဎိၭမံဆၩဆၧလုထၪ့လၧ ၦဆူနဲၩဖိၪၥံၪလဖၪ ကၠၧၫ့ကၠၧၫ့နီၪလီၫႉ