(SFX)မံၭထၭမုၪခရၧၫ့ မၩလၩမၩဖၩ့ စ့ၩဘျံၭယူၩဘလံၫ

လၩဒံၫစဲၩ့ဘၧၫ၃ၥၫ့ဒၪအိၩ ဆၧမၩလၩမၩဖၩ့ (SFX)မံၭထၭမုၪခရၧၫ့ဂဲၫကဲၪထၪ့ ဎွ့ၩထၪ့ အနံၪ့၅၀ စ့ၩဘျံၭယူၩဘလံၫလၧ ဝံးတခိၩ့ အင်းစိန်, စိန့်ပီတာ ဒဲ စိန်ပေါလ် ၥရိၬလးဝၩ့ဖၧၩ့နီၪ လီၫႉ

ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲလၧၥၫ့ခိၪဒိၪ ရေမွန်ဝေလင်းထွန်း ဒဲ ၥၫ့ခိၪ ဒိၪ မောရစ်ညွန့်ဝေနီၪလီၫႉ လၧအဝ့ၫၥံၪကၠၧၫ့ကၠၧၫ့ ၥၫ့ခၫ ၁၇ဂၩဆ့ ပၪထဲးဎုၬဆ့နီၪလီၫႉ

ၦလၧအဒိၭန့ဘၪ ထီၫ့ယူၩဘလံၫ မံၭထၭမုၪကဂၩဒဲ ၦလၧအဒိၭန့ဘၪစ့ၩဘျံၭယူၩဘလံၫ မံၭထၭမုၪ ၃ဂၩနီၪလီၫႉ

Msgr. Andrea Ferrante နီၪ လီၩလၩ့လၬလၩ့ဘၪ ၥၫ့ဎွၩဒိၪ (Pope Leo XIV) အဆၧ ဆၫ့ထွ့ၫလဖၪ ဘဲၫယီၩအၥိၭနီၪလီၫႉ “ဂၪ့ခိၪထၧၫ့ဘံၪ့ယၫဖၧၩ့ အီၪဝ့ၫဒၪ ၦလဖၪ ဖံၭထံၩဖံၭၥိၭ လိၬၥၭ ခိၭထၧၫ့ဖုဝဲဘူၭထံးအၥိၭ ဒဲ အၪ့ကံၩ့ဘၩဆိၪဖၪထၪ့ကၠၭ ဆၧဎူၫဆၧဎၩ့အဂးလါဆံၭႉ မိကၭၥလံၬဆၧအီၪကီၪ့အဂး ဂဲၫထဲၩ့ဖီၪ့ထၪ့ဖံၭထၪ့ ယွၩအဆၧဖံၭဆၧမၩန့ထၪ့ အနံၪ့၅၀ ဒဲ ၂၅နံၪ့ မံၭထၭမုၪလဖၪနီၪဆ့ ယစံၭခိးစံၭတၩဘၪနၥံၪ ဒိၪဒိၪအၪလ့ၬနီၪလီၫႉ လၧပၥၭဖၧၩ့အ့ၪမွဲ ဆၧဎူၫဆၧဎၩ့လအီၪဘၪနီၪ ပဖိၭလိၭထၪ့ဆၧဎူၫဆၧဎၩ့လန့ဘၪတၭ ပၥၭဖၧၩ့ ပကဘၪထံၭလၩ့ ထၬ ဆၧဎူၫဆၧဎၩ့နီၪလီၫႉ”အဂဲး ၥၫ့ဎွၩၥိၫ့စိၩလံၬဘဲၫနီၪ အၥိၭလီၫႉ

ၥၫ့ခိၪဒိၪBp.Maurice ညွန့်ဝေဆုးထဲၩ့ စံၭဝ့ၫဒၪ “ပဘၪမၩလၩမၩဖၩ့ ယူၩဘလံၫနီၪ မွဲလၧယွၩဂဲၫထဲၩ့ယိထွ့ၫထၬပၧၩအကၠီၩ့ ပကဘၪအၪ့အူၭစံၭခိးစံၭတၩထဲၩ့ယွၩနီၪလီၫႉ ဂီၩ့နီၪ ၦလၧအထိးဆၧၫ့ဒိၭန့ယူၩဘလံၫလဖၪယီၩနီၪ မွဲလၧ မူၭခိၪဘၩ့မုအဆၧထုၭဆၧလၧၫ့လဖၪအ ကၠီၩ့ ပဘၪဖ့ၪလၩဖ့ၪဖၩ့အဝ့ၫၥံၪနီၪလီၫႉ”

ဆၧထံၪလၩ့ဒီၪလၩ့ ဂီၩ့ခွံၬကကၠၪ စိန်ဖရန်စစ်ဇေးဗီးယဲ မံၭထၭမုၪလၧအဒိၭန့ဘၪ ၂၅နံၪ့ စ့ၩဘျံၭယူၩဘလံၫလဂၩမွဲဝ့ၫ Sr.Rose ဖိလစ်နန်းနွယ်ပြုံးနီၪ ချဲၩ့လၩ့ဘၪ ဆၧစံၭခိးစံၭတၩ ထဲၩ့ဆၧချဲၩ့နီၪလီၫႉ