ဆၧယိလါဎိၩဒိၪ ဆၧဘိၪ့ဘၩယွၩ ဆၧထံၪလၩ့ဒီၪလၩ့ စၭထၪ့ဝ့ၫဒၪအဂဲး
၂၀၂၅နံၪ့ လၩနိၫဝ့ၩဘၧၫ ၂၇ၥၫ့နီၪ ၦၡၩဝဲထၪ့ ဆၧယိလါဎိၩဒိၪ ဆၧဘိၪ့ဘၩယွၩ ဆၧထံၪ လၩ့ဒီၪလၩ့နီၪလီၫႉ ဆၧထံၪလၩ့ဒီၪလၩ့နီၪ စၭထၪ့ဝ့ၫဒၪလၧ ခးမလ့ၩၡၩအခံၫ့ မုဆၫ ၃:၃၀အခံၫ့ နီၪလီၫႉ
ဂီၩ့နီၪ ကာဒီနယ်ဖရန်စစ် (Sebastian Cardinal Francis)လ့ၩခိၪလ့ၩနါဂီၩ့ ၦလၧ အဂဲၫထၪ့ဝ့ၫဒၪ ဆၧထံၪလၩ့ဒီၪလၩ့ကဘျၩ့ယီၩ ကၫဒံၫနဲၫလဖၪႇ လၧၥၫ့ခိၪဒိၪလဖၪႇ လၧၥၫ့မု ၥၫ့ခၫလဖၪႇ လၧမံၭထၭမုၪခွၫလဖၪ ဒဲ လၧၦဆူနဲၩဖိၪၥံၪကၠၧၫ့ကၠၧၫ့ လုထၪ့လၩ့ဎိၭမံဆၩဆၧ လုထၪ့နီၪလီၫႉ
“ခးအ့ၩၡၩယီၩ မွဲယွၩဆိၪဂ့ၩဆိၪဘွၩလၩ့ဝ့ၫအၪမၬ အလးနီၪလီၫႉ ခးအ့ၩၡၩဖိၪၥံၪယီၩ ဆၨၩဆၬဆၧချဲၩ့ လမီၪ့ဎီၩ့ဘၪလိၬၥၭလါနၫ့ ဆၧဆူနဲၩနီၪ မီၪ့ဎီၩ့လိၬၥၭလီၫႉ ပလ့ၩဎုၬဆၧကၠၧၫ့ ကၠၧၫ့နီၪ မွဲမၩဖျီၪထၪ့ ဆၧကၧၩ့ဖျိၪထၪ့ပၥၭ လဖျိၪ့ဎးနီၪလီၫႉ”အဂဲး ကၫဒံၫနဲၫယီၩ လီၩလၩ့လၭ လၩ့ဝ့ၫ ဘဲၫနီၪအၥိၭဒံၭလီၫႉ
လၧဆၧဝဲထၪ့ဆၧထံၪလၩ့ဒီၪလၩ့ယီၩအဖၧၩ့ ခးအ့ၩၡၩၥၫ့ခိၪဒိၪခရၧၫ့လးမိထုၪ့ (FABC OE) ရိၩ့ ခိၪနါဒိၪ ၥၫ့ခိၪဒိၪ (Bishop George Pallipparambi S.D.B.)နီၪ လီၩ့လၩ့လၭလၩ့ ဆၧ ဝဲထၪ့ဆၧချဲၩ့နီၪလီၫႉ
လဂၫလၩ့ ဆၧထံၪလၩ့ဒီၪလၩ့အဖၧၩ့ လူးဝစ်အန်တိုနီ (Luis Antonio)နီၪ လီၩလၩ့လၭ လၩ့ဝ့ၫ ဘၪထွ့ၫလၧ ဆၧယိလါဖၧၩ့ၥၭအၥၫ့ ဒဲ ပကဘၪ ဂၬဖၭလၧ ဖၧၩ့ၥၭလမီၪ့ဎီၩ့ဘၪအဂဲးနီၪ လီၫႉ ဆၧထံၪလၩ့ဒီၪလၩ့နီၪ ဂီၩ့ခွံၬဝ့ၫဒၪလၧ မုနၩ၉နၩရံၫခီၫအခံၫ့နီၪဂီၩ့ အီၪပထုၬခွံၬဝ့ၫလၧ မုနၩ ဆၧအၪ့ဒဲ ဆၧၥၭအွံၪၥၭဆၧၫ့ ကဆံၭကခ့ၭဖိၪနီၪလီၫႉ
