စလုကၭ(၂၁:၂၁-၂၈)
ထီးနီၪလဖၧၫ့ ၦအီၪလၧခးယုဒၫအဖၧၩ့လဖၪနီၪ, မွဲအစဲၪ့လၧခိၪလီၩ့ဆံၭ. တၭၦအီၪလၧဒိၩ့ဖၧၩ့နီၪ,မွဲအစဲၪ့ထၪ့ခွံၬလၧခီၫ့ဆံၭ. တၭၦအီၪလၧမံၩ့လၬကျၩလဖၪနီၪ, မွဲအထီးထဲၩ့နုၬထဲၩ့ လၧဒိၩ့ဖၧၩ့လဂ့ၩ.- အဂဲးဘဲၫယီၩ ဆၧလၧမုနံၩလဖၪနီၪ, မွဲဆၧဖ့ၪထဲၩ့ဆၧအၧၩ့အမုနံၩၥံၪ, ဘဲၫၥိၭဆၧကွ့ၭအၥၭမိလၧၫ့ ထၪ့ဎွ့ၩထၪ့ဝ့ၫထီးအလူၬလီၫ.
ဆၧလၧမုနံၩလဖၪနီၪ, ၦလၧအဒၧၩ့,ဒဲၦလၧအဒုၭအၪ့နူလဖၪနီၪဘၪအၡၪ့လီၫ. အဂဲးဘဲၫယီၩ ဆၧၡၪ့ဖၭဒိၪမိဘၪခးလဘံၪ့ယီၩတၭ, ဆၧၥၭထၪ့မိဘၪ ၦလဆၨၩယီၩလီၫ. အဝ့ၫၥံၪမိဘၪၥံၫလၧနၭတၭ, မိဘၪဆၧဆိၬခွံၬဝ့ၫ လၧၦကိၭအဆၨၩဒ့ၭ အကျၩတၭ, ၦဆၨၩအဂူၫဂၩၥံၪနီၪ ဘိၩ့အမုအလၩလချႃၭလၧၫ့ထၪ့ဎွ့ၩထၪ့ဒံၭဘၪနီၪ, မိယဲးထဲးယရုစလံၫ့လီၫ.
ၦၡၩအဖိၪခွၫအဆၧဂဲၫဝ့ၫတၭ ဆၧလၩ့လၭမိအီၪထၪ့လၧမုအလီၩ့ ဒဲလၧလၩအလီၩ့, ဒဲလၧၡၪၥံၪအလီၩ့, ဒဲဆၧကၪဆၧဂဲၩ, ဆၧခိဆၧဝီၩ မိဘၪၦၡၩအဆၨၩၥံၪလၧဂၪ့ခိၪချိၫ့, လၧမၫ ဆမံၭဒဲလပီၩလဖၪမိၥီၫထၪ့အကၠီၩ့လီၫ.
