စလုကၭ (၂၁:၁၂-၁၉)
မွဲလါနၫ့ဘိၩဆၧနီၪလဖၪ လချႃၬမၩဒံၭဘၪအၥၭထီးအလူၬတၭ, ၦမိဖီၪ့ထၬနၥံၪတၭ, မိမၩအၧၩ့မၩနၭနၥံၪ, မိဖ့ၪလၫ့နၥံၪလၧဆၧစ့ၩရၫ့အလး, ဒဲလၧထီၫ့ဖၧၩ့တၭ,မိလ့ၩမီၩ့နၥံၪလၧစဎွၩၥံၪ, ဒဲလၧၦဒိၪၦၡါၥံၪအအီၪလၧယမံၩ့အခိၪအကၠီၩ့လီၫ.- ဆၧမိကဲၪထဲၩ့ဝ့ၫ လၧဆၧထိးအၥၭလၧနၥံၪအဂးလီၫ.
မၩအၥၭဘဲၫနီၪတၭ, ဘဲၫၥိၭနၥံၪမိချဲၩ့ဖီၩ့ဖျ့ၭဆၧ ဘဲၫအံၩဘဲၫအိၩနီၪ, ထီးလၩ့နၥံၪအၥၭလၧ နၥံၪထီးဆီၫ့မီၪ့ဝဲၩဆၧလဂ့ၩ. အဂဲးဘဲၫယီၩ ယမိဖ့ၪလၫ့နၥံၪအနိၭ, ဒဲဆၧကိၪ့ၥ့ၪလၧ နၥံၪအဒုၪအဒၩလဖၪ ဂဲးလိၬတ့ၭလိၬဝ့ၫၥ့ၪနးဂၩအ့ၬ.နၥံၪအမိအဖါ, ဒဲနၥံၪအဖုအဝဲ, ဒဲနၥံၪအဘူၭအထံး, ဒဲနၥံၪအထံၩအၥိၭလဖၪနီၪ မိဖ့ၪလၫ့ခွံၬနၥံၪတၭ, မိမၩၥံၫခွံၬနၥံၪလနၩ့နၩ့ဆ့လီၫ. တၭၦမိမ့ၬလဲၩနၥံၪ လၧယမံၩ့အကၠီၩ့ကိၭဂၩဒ့ၭလီၫ. မွဲလါနၫ့ဘိၩ နၥံၪအခိၪၥူၫလဘီၩ့နီၪ လၩ့မါဘၪအ့ၬ. အီၪက့ၪနၥံၪအၥၭလၧ နၥံၪမိအီၪဂုးဂုးခၧၫ့ခၧၫ့ဆံၭ.
