ဆၧအၪ့စၪ့ဘၪဆဲၫ့ ဆၧဂဲထုၪ့မၧၫ့ထၪ့ထဲၩ့လၧဆၧၥံၫ. (စလုကၭ (၂၀:၂၇-၄၀)

ၦစၭဒုၫစံၫလၧအစံၭဝ့ၫ, ဆၧဂဲထုၪ့ထဲၩ့လအီၪဘၪလနၩ့နၩ့လ့ၩလၧအအီၪတၭ,အၪ့စၪ့အဝ့ၫ,- စံၭဝ့ၫ,ဆရၫဧ့, စမိစ့ၭကွ့ၭန့ပလံၬ,စံၭဝ့ၫ,ၦလဂၩဂၩ အထၧၫ့ဖုဝဲလၧအအီၪလၧအမၫအ့ၪၥံၫတၭ, ထီးအၥံၫနီၪအဖိၪအ့ၪလအီၪဘၪတၭ, အထၧၫ့ဖုဝဲ ဘၪအီၪဎုၬလၧအမၫတၭ, ဘၪမၩအီၪထၪ့န့ အထၧၫ့ဖုဝဲအချံၫအၥၪလီၫ.မၩအၥၭဘဲၫနီၪတၭ, ၦထၧၫ့ဖုဝဲခွၫအီၪနွ့ၫဂၩလီၫ. အခၪ့ထံၭလဂၩန့အမၫတၭ, အဖိၪလအီၪဘၪၥံၫဝ့ၫလီၫ.- နံၫဂၩလဂၩမၩန့အမၫတၭ, အဖိၪလအီၪဘၪၥံၫဝ့ၫလီၫ.- ၥၧၫ့ဂၩလဂၩမၩန့ဝ့ၫတၭ, ဆၧမၩအၥၭဘဲၫနီၪဆ့ နွ့ၫဂၩလူၬတၭ, အဖိၪလအီၪလၩ့ထးဘၪနီၪ ၥံၫဝ့ၫဒၪလီၫ.- တၭလၧခဲၫ့ထုၬၦမုၪလဂၩၥံၫဝ့ၫဆ့လီၫ.- မၩအၥၭဘဲၫနီၪတၭ,လၧဆၧဂဲထုၪ့ထဲၩ့အဖၧၩ့ နီၪ,မွဲအမိကဲၪထဲၩ့လၧၦလဖၪနီၪ အမၫလဂၩဂၩလဲၪ. အဂဲးဘဲၫယီၩ ၦနွ့ၫဂၩနီၪန့အမၫလၧအဝ့ၫလီၫ.ယ့ၫၡုၬချဲၩ့ဆၧၫ့ဆၧလၧအဝ့ၫၥံၪတၭ, စံၭဝ့ၫ ၦအယီၩလကၠၪဖိၪအီၪဎုၬတၭ, ဒုၭအီၪဎုၬလိၬအၥၭလီၫ. အ့ၪမွဲၦၡၩလၧအဂ့ၩဒိၭန့ဝ့ၫလၧနးကၠၪဒီၭ, ဒဲဆၧဂဲထုၪ့ထဲၩ့လၧဆၧၥံၫအဖၧၩ့လဖၪနီၪ,အီၪဎုၬလၧၩ့အ့ၬ. ဘၪဆၧဒုၭအီၪဎုၬလိၬအၥၭဆ့အ့ၬ.- တၭအဝ့ၫၥံၪ ၥံၫၥ့ၪလၧၩ့ဆ့အ့ၬႉ အဂဲးဘဲၫယီၩ မွဲဘဲၫအၥီၫ့ လဖၪအၥိၭတၭ,မွဲဆၧဂဲထုၪ့ထဲၩ့အဖိၪတၭ, မွဲယွၩအဖိၪလီၫ. မွဲလါနၫ့ဘိၩ လၧၦၥံၫမိဂဲထုၪ့ထဲၩ့နီၪ, စမိစ့ၭဒုၭနဲၪလၧဆၧၡိၬအဖၧၩ့ ထီးအကိၭယွၩလၧစအၫဘြဟၫ့အယွၩ, လၧစအံစၭအယွၩ, လၧစယၫကူၭအယွၩနီၪလီၫ.- လမွဲဘၪ ၦၥံၫအယွၩတၭ, မွဲၦမၧၫ့အယွၩလီၫ. အဂဲးဘဲၫယီၩ ၦထီးအလူၬမၧၫ့ဝ့ၫလၧအဖၧၩ့လီၫ. ၦကွ့ၭလံၬၥံၪ လနၩ့နၩ့ချဲၩ့ဆၧၫ့ဆၧတၭ, စံၭဝ့ၫ, ဆရၫဧ့,နစံၭဆၧဂ့ၩမၬလီၫ.- ၦအၪ့စၪ့အဆၧဘုၪ့လၧၩ့နးဂၩအ့ၬ.