လၧဂၪ့ခိၪချိၫ့ယီၩအဎိၩထုၬမၫဆမံၭမွဲဝ့ၫပစံဖံၭမၫဆမံၭအဂဲး

ထၧၫ့ဖုဝဲမုၪခွၫၥံၪဧ့ႇ ပစံဖံၭမၫဆမံၭနီၪ ဂၪ့ခိၪချိၫ့ယီၩ မွဲအဎိၩထုၬ မၫဆမံၭဒဲ ဆၧအမံၩ့ယီၩ အီၪဂဲၫထဲၩ့စဲၪ့လၫ့လၧ လက်တင် လၨဆၧချဲၩ့တၭ အခီၫပယီၫနီၪ မွဲဝ့ၫလၧ ကယုၩကစုၩပၫ့လဲၫ “ဆိတ်ငြိမ်သောပင်လယ်“ နီၪလီၫႉ လၧမုထၪ့ကကဲၩ့ခီၫ အမ့ၫရံကၭခးမိၡါနံၫဒုၩႇ မုနုၬကကဲၩ့ခီၫနီၪ အ့ၩၡၩခးမိၡါဒဲ အီၭစတ့ၩလျၭခးမိၡါၥံၪအကျၩ အခံးအဂၩ့မၩအၥၭ ခွၩ့ခွၩ့နီၪလီၫႉ အဝ့ၫနီၪ အလဲးအီၪဝ့ၫ စတုယၩ့မံလၬ ၆ ဘၩ့ ၈ခွး ၆ကုၬ ၃လၬ ၄ထီၫ့ ဒဲ အယိၬအီၪဝ့ၫဒၪ ဖိၭဘိၭ ပ့ၫ ၁၄၀၅၀ နီၪလီၫႉ ပစံဖံၭမၫဆမံၭနီၪ လၧဂၪ့ခိၪချိၫ့ယီၩ လဲးန့ဒံၭ ခီၫၥွံၪခိၪထီးအလူၬဒံၭနီၪလီၫႉ

လၧပစံဖံၭမၫဆမံၭဖၧၩ့နီၪ မ့ၪခိၪလီၩ့ဖၭဒိၪ အီၪဝ့ၫအၪမၬလီၫႉ လၧဂၪ့ခိၪချိၫ့ယီၩ မ့ၪခိၪလီၩ့ထီးအလူၬ ၇၅ ယၩဒူၩနီၪ အီၪလၧ ပစံဖံၭမၫဆမံၭအခၪ့ထံၭနီၪလီၫႉ လၧမၫဆမံၭဖၧၩ့နီၪ ဆၧဖိၪဆၧဎါၥံၪလၧအီၪထံၫကျၩလဖၪ အီၪဝ့ၫအၪမၬဒဲ ဂၪ့ခိၪယီၩအထီၪ့ထုၬ မဟာသန္တာကျောက်တန်းဖၭဒိၪနီၪ မွဲအီၪဝ့ၫလၧ ပစံဖံၭမၫဆမံၭဖၧၩ့နီၪလီၫႉ

တိုက်ဖုန်းလံၩမုလဖုၬနီၪ မွဲပၫဝ့ၫလၧ လံၩ ဆၧဆၧၩ့ လၫ့ၥံၪတၭ မွဲဆီၪ့ဝ့ၫ လံၩမုလဖုၬကမံၩ့နီၪလီၫႉ ဆၧလၧ တိုက်ဖုန်း လံၩမုလဖုၬဖၭဒိၪလဖၪနီၪ စၭထၪ့ကဲၪထၪ့ယံၫယါလၧ ပစံဖံၭမၫဆမံၭ မုနုၬလံၩခံၫကကဲၩ့ခီၫဂီၩ့ ဆၧကိၭယံၫယါဝ့ၫဒံၭလၧ ဆၧအခိဆိုင်ကလုန်းလံၩမုလဖုၬနီၪလီၫႉ ပစံဖံၭမၫဆမံၭ ပၫ့လၫ့နဲၩ့ကဘီၩ့ယၫနီၪ ခး ကနေဒါ ၊ အမေရိကန် ၊ တရုတ် ၊ သြစတြေးလျ ၊ ဂျပန် ဒဲ မက္ကဆီကို ၥံၪတၭ ဆုးကျိၭအၥၭထံၫခး ၅၅ခး နီၪလီၫႉ လၧပစံဖၭမၫဆမံၭအဖၧၩ့နီၪ ခးအ့ၫဒိၫနံၩၡၩ အမ့ၪခိၪလီၩ့ ကျိၩ့အီၪဝ့ၫကကျိၩ့နီၪလီၫႉ ကျိၩ့နီၪ ၁၈၈၃နံၪ့ ဖးဖီၩ့ဖၧၩ့ ပၫဝ့ၫလၧ အဆီၪ့ထုၬမ့ၪခိၪလီၩ့ဖီးဖၭအဖၧၩ့နီၪလီၫႉ မ့ၪခိၪလီၩ့ဖီးဖၭယီၩ ဆီၪ့ဝ့ၫဎွ့ပၥ့ၪလဲၪစွါဘဲၫ အလူကဆီၪ့ဝ့ၫ အယဲၩ့ ဖိၬဘိၭ မံလၬ ၃၀၀၀နီၪလီၫႉ မ့ၪခိၪလီၩ့ဖီးဖၭယီၩ ဆီၪ့န့ဒံၭ ဂၪ့ခိၪဆၧဒုၭၥုၭကဲၪထၪ့ (၂) ဘျၩ့လဘျၩ့ဒၪအိၩ နယူၩဘိၩ့ ဖိးဖၭဝ့ၫလၧ ဟီရိုရှီးမားနီၪ အဆၭ ၁၃၀၀၀ အကၠီၩ့နီၪလီၫႉ မ့ၪခိၪလီၩ့ဖၭဒိၪနီၪ ဆုးဖီးဖၭဝ့ၫ ၂ၥၫ့အကၠီၩ့ ဝံး တဝၫ့ၥံၪ လၧအအီၪအနဲၩ့အဎီၩ့လဖၪ ဂၭဂီၩ့ထၪ့ ၁၆၅ဒုၩဒဲ ၦၡၩဘၪၥံၫဖိၬဘိၭ အဂၩ လံလၬနီၪလီၫႉ

လၧပစံဖံၭမၫဆမံၭအဖၧၩ့ ဎိၩဒိၪဝ့ၫ ဆၧဘံၪၥိၭအပိၩ့လဖၪ ဆၧဂၭဂီၩ့ဂၭစၪလဖၪ လၩ့ယွၩဝ့ၫအီၪအၥိၭ ထံၫၥၭလိၪၥၭလံၬထၪ့ဂီၩ့ ဆၧယီၩနီၪ မွဲဒၪ ၦခမျၧးၥံၪထီးအလူၬ အဆၧမၩနီၪလီၫႉ