ၦၥၭဂ့ၩၥၭဘွၩအီၪ အဆၧဆူၩနဲၩနီၪ ၥၫထနၫအဂး နဲၪထၪ့ဖၧၩ့ၥၭနီၪလီၫ
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩ Leo ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ၦၥၭဂ့ၩၥၭဘွၩအီၪ အဆၧဆူၩနဲၩနီၪ ၥၫထနၫအဂး နဲၪထၪ့ဖၧၩ့ၥၭအဂဲးအကၠီၩ့နီၪလီၫႉ လၩစဲၭတံၫ့ဘၧၫ ၂၈ ၥၫ့ ၥၫ့ဎွၩ Leo ၁၄ ဂၩလဂၩ မၩလၩ့မၩဖၩ့ၡီၩ့ ဆၧအီၪကီၪ့ဆၧရၫႇ ဆရၫမုၪလဖၪ အယူၩဘလံၫလၧ ဝံး Roma, St. Peter ဝးဖၧၩ့နီၪလီၫႉ ၦၥၭဂ့ၩၥၭဘွၩအီၪ အဆၧဆူၩနဲၩနီၪ ၥၫထနၫအဂး နဲၪထၪ့ဖၧၩ့ၥၭန့ဝ့ၫဒၪအကၠီၩ့ ၥၫ့ဎွၩ Leo ၁၄ ဂၩလဂၩ အၪ့န့ ၦဆံၫ့ဎံၪ Ambrose အဂဲးဂီၩ့ ၥီၪ့ၥၫ့ထၬဆၧနီၪလီၫႉ
ၦဆံၫ့ဎံၪ Ambrose ယီၩ အဝ့ၫအဆၨၩအဂး မၩဎိၩထၪ့ဒိၪထၪ့ ဆၧဆူၩနဲၩႇ ဆိၪဖၪဆၧၥၭအွံၪႇ ဘၩယွၩႇ တရါလၩ့ ကဆါယွၩဆၧပရၧၫ့ဂီၩ့ လၧခဲၫ့နီၪ ၥၫထနၫအဂး ကဲၪထၪ့ၥၫ့ခိၪဒိၪ ကပၩနီၪလီၫႉ ဆၧနီၪအကၠီၩ့ႇ မိဖါၥံၪႇ ဆရၫၥံၪႇ ဆၧမၩဖိၪၥံၪႇ ၥၫထနၫဖိၪၥံၪ ၦအယီၩၥံၪကိၭဂၩနီၪ အဝ့ၫၥံၪ ရွံထၪ့ထၬဆၧမၩအယီၩႇ မၩထၪ့ဆၧမၩအယီၩဂီၩ့ ကဘၪလ့ၩထဲၩ့လၧ ဎရံၬဖိၪ ၥၫထနၫဖၧၩ့ၥၭနီၪအကၠီၩ့ ၥၫ့ဎွၩ Leo ၁၄ ဂၩလဂၩ မၩလၩ့မၩဖၩ့ၡီၩ့ ဆၧအီၪကီၪ့ဆၧရၫႇဆရၫမုၪလဖၪ အယူၩဘလံၫ အခံၫ့တရါလၩ့တရၩ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬ မွဲနၥံၪလၧၫဎွ့ၩဝ့ၫဒၪလၧ ကဆါဎြံၬအဆၧအဲၪဆၧကွံၩ လါဆံၭႉ
