ဒိၩ့ပၥံၫ့ဇိၫ့ ၥၫ့မုၥၫ့ခၫလဖၪ မးၥံၫဝ့ၫဒၪလၧ တောင်ယာကုန်းဆၧအီၪကီၪ့အဂဲး

၂၀၂၅နံၪ့ လၩနိုဝင်ဘာလ ၁၈-၁၉ ၥၫ့နီၪ ဒိၩ့ပၥံၫ့ဇိၫ့ဖၧၩ့ ၥၫ့မုၥၫ့ခၫလဖၪ လ့ၩမးၥံၫကၠၭဝ့ၫဒၪလၧ တောင်ယာကုန်း ဆၧအီၪကီၪ့နီၪလီၫႉ”လၩနိုဝင်ဘာနီၪ မွဲလၩလၧပဘၪအၪ့ကံၩ့ဘၩဆိၪဖ့ၪအ့ၪ ၦအၥံၫလဖၪအနးၥၭအဂးနီၪလီၫႉ လၧဆၧၥံၫ အလးခဲၫ့နီၪ ဆၧမၧၫ့ထၪ့ထဲၩ့အီၪဝ့ၫဒၪလီၫႉ ဆၧယီၩ မွဲကဆါဎြံၬဂဲၫထဲၩ့ဖ့ၪနဲၪထၬအ့ၪပၧၩနီၪလီၫႉ ကဆါဎြံၬမၧၫ့ထၪ့ ထဲၩ့နီၪ ၦဎြံၬဖိၪဆၧဘိၪ့ဆၧဘၩအဖးဖီၩ့ဖၧၩ့ မွဲအကၧၩ့ဒိၪထုၬလီၫႉ ကဆါဎြံၬနီၪ ဖ့ၪလၫ့ထၬအ့ၪပၧၩ ဆၧဆူနဲၩနီၪ လီၫႉ ဆၧအယီၩ ပကဘၪအီၪက့ၪဒိၪဝ့ၫလီၫႉ

အ့ၪမွဲပလအီၪက့ၪဒိၪဘၪစွါဘဲၫ ပဆၧဆူနဲၩနီၪ မွဲကအွံၩလၫ့ဒၪခွံၬပၧၩ နီၪလီၫႉ ပန့ထၬဘၪ ဆၧဆူနဲၩနီၪ ဘဲၫၥိၭကဆုးထဲၩ့ဂုးခၧၫ့ႇ ကဆုးထဲၩ့ကၧၩ့ပၥံၭၥၭအဂး ပကထဲၩ့ကျ့ၭစၨၭ ကၠၭလါဆံၭႉ ပန့ထၬဘၪဆၧလဖၪအဖၫ့ခိၪ ပဘၪကျ့ၭစၨၭ ကလိၪဝ့ၫဒၪနီၪလီၫႉ အ့ၪလမွဲဘၪနီၪ ကဆါယွၩ ကဂဲၫအၪ့န့ထဲၩ့ထီးအလူၬအဂဲး” ၥၫ့ခိၪဒိၪ Henry မၩ့အဲၪချံၫ့ လီၩလၩ့လၬလၩ့ ဆၫ့ထွ့ၫဘၪ ၥၫ့မုၥၫ့ခၫလဖၪဒဲ ၦဆူနဲၩဖိၪၥံၪလဖၪ ဘဲၫယီၩအၥိၭနီၪလီၫႉ