ယ့ၫၡုၬမၩဘျၪထဲၩ့ၦမ့ၬဘျီၪ လၧအအၪ့ကံၩ့အၪ့ဆၧလဂၩ. (စလုကၭ (၁၈:၃၅-၄၁) )
တၭထီးအလ့ၩဘူၭလၧယ့ၫရခိၫနီၪ, ၦအမ့ၬဘျီၪ ဆၧၫ့နၩ့အၪ့ကံၩ့ဆၧ လၧဖၧၩ့ၥၭအနဲၩ့ထံၭလီၫ. အဝ့ၫလဂၩ နါဂၧၫ့ၦခမျၧးဂဲၫဝ့ၫတၭ, အၪ့စၪ့ဝ့ၫ, မွဲဆၧနီၪလဲၪ.- တၭၦလီၩဘၪဝ့ၫ, မွဲၦနၭဇရ့ၭဖိၪယ့ၫၡုၬဂဲၫဝ့ၫလီၫ.- အဝ့ၫဒၪကိၭၡၭထၪ့တၭ, စံၭဝ့ၫ, စဒၫဝံၭအဖိၪခွၫယ့ၫၡုၬဧ့, ယၫ့ၥုၪ့ယၫ့ၥၭလါယၧၩဆံၭ.- ၦလ့ၩလၧယၫလဖၪနီၪ ဘဲၫၥိၭအဆၧမိအီၪလၩ့မါပံၭတၭ, အၪ့လၬအဝ့ၫလါနၫ့ဘိၩ့, မွဲအကိၭၡၭအၪထၪ့လခီၫနီၪ, စဒၫဝံၭအဖိၪခွၫဧ့, ယၫ့ၥုၪ့ယၫ့ၥၭလါယၧၩဆံၭ. ယ့ၫၡုၬအီၪထီတၭ, အၪ့မၧၫ့ၦၡၩကိၭန့အဝ့ၫဒၪလီၫ. ထီးအဂဲၫဘူၭတၭ, ယ့ၫၡုၬအၪ့စၪ့အဝ့ၫႇ စံၭ, နၥၭအီၪ လၧယမိမၩနၧၩ လၧဆၧနီၪလမံၩ့လဲၪ.- အဝ့ၫဒၪစံၭဝ့ၫ, ကဆါဧ့, မွဲဘဲၫၥိၭယမိဒၪထၪ့ထဲၩ့ဆၧလီၫ.
