(စလုကၭ ၂၁:၅-၁၉) (၃၃နွ့ၫလနွ့ၫ မုအီၪပွံၭနံၩ)

ယ့ၫၡုၬချဲၩ့ဆၧဘၪဆဲၫ့ဆၧလုဂံၪ့ အဆၧဂၭဂီၩ့. တၭၦလနၩ့နၩ့စံၭဝ့ၫ,လၧဆၧလုအဂံၪ့cအဂဲး, လၧအဘၪဆၧကယၧၩ့အၥၭလၧလိးဂ့ၩ, ဒဲလၧဆၧမၩဘိၪ့လဖၪတၭ, အဝ့ၫဒၪစံၭဝ့ၫ,- ဆၧလၧနၥံၪဒၪဘၪလဖၪယီၩ,အနံၩအၥၫ့မိဘၪဝ့ၫ လၧလိးအီၪဒၩ့ဒိၭလိၬအၥၭ နီၪ လလၩ့ဎီးခွံၬဘၪတၭ, အီၪလၩ့ထးဘၪနးဖျိၪ့အ့ၬ. ဆၧကၪဆၧဂဲၩဒဲဆၧမၩၡၪ့မၩနၭလဖၪ. တၭအဝ့ၫၥံၪအၪ့စၪ့ဆၧ, စံၭဝ့ၫဆရၫဧ့, ဆၧနီၪလဖၪမိမၩအၥၭဆံၭယံၬခိၬလဲၪ. ထီးအမိမၩအၥၭဘူၭထၪ့နီၪ, ဆၧလၩ့လၭမိမၩအၥၭလၧဆၧနီၪလမံၩ့လဲၪ.တၭအဝ့ၫဒၪစံၭဝ့ၫ, ဘဲၫၥိၭၦထီးအၪ့လီၫန့နၥံၪလဂ့ၩနီၪ,ထီးလၩ့နၥံၪအၥၭဆံၭ. အဂဲးဘဲၫယီၩ ၦမိဂဲၫထၪ့ဝ့ၫလၧယမံၩ့အၪဂၩတၭ, မိစံၭဝ့ၫ,ယဝ့ၫဒၪယီၩ ယမွဲအဝ့ၫလီၫ. တၭအမုအလၩနီၪမိဘူၭယူၭဝ့ၫလီၫ. မၩအၥၭဘဲၫနီၪတၭ, နၥံၪထီးဖိၬအခဲၫ့လဂ့ၩ.-ထီးနၥံၪအ့ၪနါဂၧၫ့ ဆၧဒုၭၥုၭဒုၭၥ့ၪလဖၪ, ဒဲဆၧတုၩ့ထၪ့တုၩ့လၩ့အဂဲးတၭ, ၥၭမဲၪဆၧလဂ့ၩ, အဂဲးဘဲၫယီၩ ဆၧနီၪလဖၪဘၪမၩဆိၫအၥၭလီၫ. မွဲလါနၫ့ဘိၩအ ထုၬအီၪဒံၭချဲၫ့ဝါဒံၭအ့ၬ. ထီးနီၪလဖၧၫ့စံၭအဝ့ၫၥံၪ, ၦၡၩလဆၨၩမိထၫ့ဒုၪ ဒၩၦၡၩလဆၨၩဒၪတၭ, ဘၩ့မုးမိထၫ့ဒုၪဒၩဘၩ့မုးလီၫ.- တၭဂၪ့ခိၪမိဝၭၡိၩ့ၡိၬဝ့ၫ နၭနၭလ့ၬလၧအံၩလစီၪ့လၧအိၩလစီၪ့, ဒဲဆၧအီၪဝံအီၪဆံၩ့, ဒဲဆၧဆၫၥံၫ ချဲၫ့မိအီၪထၪ့ဝ့ၫလီၫ. တၭဆၧလၩ့လၭဖၭဒိၪ အီၪလၧ ဆၧၥၭမဲၪၥၭဖျဲၩ့နီၪ, မိအီၪထၪ့ဝ့ၫလၧမူၭဖိၭဖၫ့လီၫ. မွဲလါနၫ့ဘိၩဆၧနီၪလဖၪ လချႃၬမၩဒံၭဘၪအၥၭထီးအလူၬတၭ, ၦမိဖီၪ့ထၬနၥံၪတၭ, မိမၩအၧၩ့မၩနၭနၥံၪ, မိဖ့ၪလၫ့နၥံၪလၧဆၧစ့ၩရၫ့အလး, ဒဲလၧထီၫ့hဖၧၩ့တၭ, မိလ့ၩမီၩ့နၥံၪလၧiစဎွၩၥံၪ, ဒဲလၧၦဒိၪၦၡါၥံၪအအီၪလၧယမံၩ့အခိၪအကၠီၩ့လီၫ.- ဆၧမိကဲၪထဲၩ့ဝ့ၫ လၧဆၧထိးအၥၭလၧနၥံၪအဂးလီၫ. မၩအၥၭဘဲၫနီၪတၭ, ဘဲၫၥိၭနၥံၪမိချဲၩ့ဖီၩ့ဖျ့ၭဆၧ ဘဲၫအံၩဘဲၫအိၩနီၪ, ထီးလၩ့နၥံၪအၥၭလၧနၥံၪ ထီးဆီၫ့မီၪ့ဝဲၩဆၧလဂ့ၩ.- အဂဲးဘဲၫယီၩယမိဖ့ၪလၫ့ နၥံၪအနိၭ, ဒဲဆၧကိၪ့ၥ့ၪလၧ နၥံၪအဒုၪအဒၩလဖၪ ဂဲးလိၬတ့ၭလိၬဝ့ၫၥ့ၪနးဂၩအ့ၬ.- နၥံၪအမိအဖါ, ဒဲနၥံၪ အဖုအဝဲ, ဒဲနၥံၪအဘူၭအထံး, ဒဲနၥံၪအထံၩအၥိၭလ ဖၪနီၪမိဖ့ၪလၫ့ခွံၬနၥံၪတၭ, မိမၩၥံၫခွံၬနၥံၪလနၩ့နၩ့ဆ့လီၫ.- တၭၦမိမ့ၬလဲၩနၥံၪ လၧယမံၩ့အကၠီၩ့ကိၭဂၩဒ့ၭလီၫ.- မွဲလါနၫ့ဘိၩ နၥံၪအခိၪၥူၫလဘီၩ့နီၪ လၩ့မါဘၪအ့ၬ.- အီၪက့ၪနၥံၪအၥၭလၧနၥံၪမိအီၪ ဂုးဂုးခၧၫ့ခၧၫ့ဆံၭ.