Nov 15 စလုကၭ (၁၈:၁-၈) ဆၧချဲၩ့ဒီၩ့လၩ့,ၦမုၪမဲၪဒဲၦစ့ၩရၫ့ခွး
ဘဲၫၥိၭၦၡၩမိဘၩဆိၪဖၪ ဆၧလထံၪဎးဘီၩ့ဎးတၭ, ထီးအီၪက့ၪလၩ့ဆါအၥၭလဂ့ၩနီၪ, မွဲအလီၩ ထဲၩ့အဝ့ၫၥံၪလၧဆၧချဲၩ့ဒီၩ့လထံၪယီၩ,- ၦစ့ၩရၫ့ခွး လၧအလၥၭမဲၪဘၪယွၩ ဒဲလယူၭလယၪ့ဘၪၦၡၩ အီၪလၧဒိၩ့လဖျိၪ့အဖၧၩ့လဂၩလီၫ.- ၦမုၪမဲၪအီၪလၧဒိၩ့ နီၪအဖၧၩ့လဂၩတၭ, လ့ၩလၧအအီၪစံၭဝ့ၫ, စ့ၩရၫ့တီၩန့ယၧၩလၧယဒုၪယဒၩဆံၭ.- အဝ့ၫဒၪ လစ့ၩရၫ့ဘၪနီၪ အီၪဝ့ၫလယံၬလမီဘၪတၭ လၧခဲၫ့ထဲၩ့စံၭလၩ့အၥၭ, ယဝ့ၫဒၪယီၩ, ယလၥၭမဲၪဘၪယွၩ, ယလယူၭလယၪ့ဘၪၦၡၩလါနၫ့ဘိၩ,- မွဲလၧၦမုၪမဲၪလဂၩ မၩထံၬထၬယၧၩအကၠီၩ့တၭ, ယမိစ့ၩရၫ့တီၩန့အဝ့ၫဘဲၫၥိၭအထီး မၩပွံၭယၥၭ လၧအဆၧဂဲၫကိၭအဆၧၫ့အထီဒ့ၭအကၠီၩ့နီၪလဂ့ၩလီၫ. ကဆါစံၭဝ့ၫ, ၦစ့ၩရၫ့ခွးလၧ အလတီၩဘၪလဂၩ စံၭဆၧနီၪ ခိၭနၪနၥံၪဝ့ၫဆံၭ,- ယွၩအီၪလါနၫ့ယံၬယံၬနီၪ, မိစ့ၩရၫ့တီၩန့ အခ့ၫအၡၩလၧအရွံန့ဝ့ၫလၧအကိၭထၪ့အဝ့ၫလၧ မုနၩနၩလၧမုဆၫဆၫနီၪ,မွဲအ့ၬဧၪ.- ယစံၭနၥံၪလၧ အမိစ့ၩရၫ့တီၩန့အဝ့ၫၥံၪချဲၫ့ချဲၫ့လီၫ. မွဲလါနၫ့ဘိၩ,ထီးၦၡၩအဖိၪခွၫယီၩ ဂဲၫလၩ့တၭ, မွဲအမိဒၪန့ဆၧနဲၩလၧဂၪ့ခိၪချိၫ့ဆ့ဧၪ.
