Nov 14 မုကိၭနံၩဆၧၥၭထိၬပရၧၫ့

စလုကၭ (၁၇:၂၉-၃၇) မွဲလါနၩ့ဘိၩ, မုလနံၩ လၧစလီၭ စဲၪ့ထၪ့ခွံၬလၧစီဒၧၫ့အဖၧၩ့နီၪ, ဆၧဂဲၫဆၧၩ့လၩ့မ့ၪ ဒဲကးလၧမူၭခိၪတၭ, မၩဂၭဂီၩ့ခွံၬၦၡၩကိၭအဂၩဒ့ၭလီၫ.- မုနံၩလၧၦၡၩအဖိၪခွၫယီၩ မိအီၪဖျီၪထၪ့တၭ, ဆၧမိမၩအၥၭဘဲၫနီၪအၥိၭလီၫ.ဆၧလၧမုလနံၩနီၪ, ၦအ့ၪအီၪလၧအဂံၪ့ခိၪတၭ, အဆၧဖိၪဆၧလံၩအီၪလၧအဒူၭဖၧၩ့နီၪ, မွဲအထီၩ့စဲၪ့လၩ့ မၩန့ထဲၩ့အဆၧနီၪလဂ့ၩ. ဘဲၫနီၪအၥိၭ ၦအီၪလၧဆံၬဖၧၩ့တၭ, ထီးထဲၩ့ထဲၩ့လၧအလးခဲၫ့လဂ့ၩ.- နၪ့ထၪ့ထဲၩ့စလီၭအမၫနီၪဘီၪ.- ထီးဒၪၦလၧအအၪ့ဎၬ ထိးထဲၩ့တၩ့ထဲၩ့အၥၭမၧၫ့လဂၩဂၩနီၪ, မွဲအမိမၩလၩ့မါခွံၬဝ့ၫဒၪလီၫ. ထီးဒၪၦလၧအၥၭမၧၫ့လၩ့မါခွံၬလ ဂၩဂၩနီၪ,မိထိးထဲၩ့တၩ့ထဲၩ့ဝ့ၫဒၪလီၫ. ယစံၭနၥံၪဆၧလၧမုလနံၩနီၪ, ၦခွၫနံၫဂၩမိအီၪ လၧအလးမံၫလစီၪ့ဎး, ဆၧမိမၩန့ထဲၩ့ဝ့ၫနးဂၩတၭ, အလဂၩမိအီၪလၩ့ထးဝ့ၫလီၫ.- ၦမုၪနံၫဂၩမိဂူၬဆုၪ့ဂူၬလစီၪ့ဎးတၭ ဆၧမိမၩန့ထဲၩ့နးဂၩတၭ,အလဂၩမိအီၪထးဝ့ၫလီၫ.- ၦခွၫအီၪလၧဆံၬဖၧၩ့နံၫဂၩ, ဆၧမိမၩန့ထဲၩ့နးဂၩတၭ, အလဂၩမိအီၪလၩ့ထးဝ့ၫလီၫ. ၦလဖၪချဲၩ့ဆၧၫ့ဆၧတၭ, အၪ့စၪ့ဝ့ၫ, ကဆါဧ့, ခီၫခီၫလဲၪ. အဝ့ၫဒၪစံၭအဝ့ၫၥံၪ, ထီးဒၪဆၧစွၪအီၪဝ့ၫ လစီၪ့စီၪ့နီၪ, လၫ့ကထၬလဖၪမိအီၪကိၩ့အီၪကီၪ့ဝ့ၫထီးနီၪလီၫ.