ဆၧချဲၩ့ဒီၩ့လၩ့ဘၪဆဲၫ့ဆၧအၪ့အမူၭဖၭဒိၪ. (စလုကၭ ( ၁၄:ၥ၅-၂၄)

ၦအီၪလၧၦဆၧၫ့နၩ့ဒံၩ့ခံၫ့ဎုၬ လၧစပွဲထံၭအကျၩလဂၩ, နါဂၧၫ့ဆၧလဖၪနီၪ, စံၭအဝ့ၫဒၪ, ၦလၧအမိအၪ့ဘၪ ဆၧလၧယွၩအဘၩ့အမုးအဖၧၩ့နီၪအီၪမုၬဝ့ၫဒၪလီၫ.- အဝ့ၫဒၪစံၭဝ့ၫ ၦလဂၩမၩဆၧအၪ့ဖၭဒိၪလၧဂၪလခီၫတၭ ကိၭၦအၪဂၩလီၫ.- ထီးအၪ့ဆၧအနၩရံၩ ဘၪနီၪမွဲအအၪ့မၧၫ့အဎီးအၡၩ လ့ၩလၧၦဘၪဆၧ ကိၭဝဲၩဝ့ၫလဖၪအအီၪနီၪ, စံၭအဝ့ၫၥံၪ, ဂဲၫဘီၪအဂဲး ဘဲၫယီၩဆၧထီးအလူၬအီၪတဲၩ့ဝဲၩယူၭအၥၭယူၭ. ၦလဖၪနီၪကိၭဂၩဒ့ၭ လၧအၥၭလဖျိၪ့ဎးနီၪ, ချဲၩ့ဖီၩ့ဖျ့ၭလၩ့အၥၭလီၫ. အဝံခိၪလဂၩ, စံၭအဝ့ၫဒၪ, ယဝ့ၫဒၪယီၩယဎွ့ၩယူၭဂၪ့ခိၪလဝၩ့ယူၭ, ယမိလ့ၩယိဝ့ၫလီၫ.ယအၪ့ကံၩ့အၪ့ယၫနၧၩ ကွဲၪဖျါလါယၧၩဘီၪ. အဝ့ၫလဂၩဒၪစံၭဝ့ၫ, ယဝ့ၫဒၪယီၩ ယဎွ့ၩယူၭချီဖၫယဲ ခိၪယူၭ, ယဘၪလ့ၩမၩခွါ အဝ့ၫၥံၪလီၫ. ယအၪ့ကံၩ့ အၪ့ယၫနၧၩကွဲၪဖျါလါယၧၩဘီၪ.- အလဂၩဒၪနီၪ, စံၭ ဝ့ၫ, ယဝ့ၫဒၪယီၩယန့မၫယူၭမၩအၥၭဘဲၫနီၪတၭ, ယလ့ၩၥ့ၪအ့ၬ.အဎီးအၡၩနီၪဂဲၫထဲၩ့လၧ အကဆါအအီၪတၭ, လီၩထဲၩ့ဆၧနီၪလဖၪလီၫ. ထီးနီၪလဖၧၫ့ဂံၪ့ကဆါအၥၭခိထၪ့တၭ, စံၭအဎီးအၡၩ, လ့ၩချဲၫ့ချဲၫ့လၧဖၧၩ့ၥၭဖၭဒိၪ,ဒဲဖၧၩ့ၥၭဖိၪလၧဒိၩ့ဖၧၩ့တၭ,ၦအၡၪ့,ဒဲၦအ ဂၩ့ဂၭဂီၩ့,ဒဲၦအခၪ့ဂၭဂီၩ့, ဒဲၦအမ့ၬဘျီၪၥံၪနီၪဂဲၫမီၩ့နုၬထီးယီၩဘီၪ.- ဆၧအဎီးအၡၩစံၭဝ့ၫ, ကဆါဧ့, ဘဲၫနမၪလူၬဆၧအၥိၭနီၪ, ဆၧမၩယူၭအၥၭယူၭတၭ, အလးအီၪဒံၭလီၫ.- ကဆါလီၩဘၪအဎီးအၡၩ, လ့ၩထၪ့လၧဖၧၩ့မု ဒဲဖၧၩ့ၥၭၥံၪတၭ, ဒုၭဂဲၫနုၬဆီၪ့ဝ့ၫ ဘဲၫၥိၭယဂံၪ့oမိဎွ့ၩထၪ့ဘီၪ.-အဂဲးဘဲၫယီၩယလီၩဘၪ နၥံၪ,ၦလၧအဘၪဆၧကိၭဝဲၩယူၭလဖၪနီၪ, မိထဲးယိ ဘၪဆၧအၪ့နးဂၩအ့ၬ.