ကၫဒံၫနဲၫ ချားလ်စ်မောင်ဘို ၇၇နံၪ့ အီၪဖျဲၪမုနံၩ

နံၪ့၂၀၂၅နံၪ့ လၩအီတိၫဘၧၫ ၂၉ၥၫ့ လဂၫလၩ့ ၅နၩရံၫအခံၫ့နီၪ ကၫဒံၫနဲၫအၥၭထၪ့ဘၭ ၇၇နံၪ့ အီၪဖျဲၪမုနံၩ မံဆၩဆၧလုထၪ့အီၪဝ့ၫဒၪလၧ ဝံးတခိၩ့ စံၫ့မ့ၫရံၫ ကၥံၫဒြဲၫ ၥရိၬဖၧၩ့နီၪလီၫႉ လၧမံဆၩဆၧလုထၪ့နီၪအဖၧၩ့ ဘၫတံၫကၫ့အၥီၫ့ မွန်ဆီညှော် အန်ဒရီးယား ဖယ်ရန်တေ၊ ဝံးတ ခိၩ့ဆၧအီၪကီၪ့ ၥၫ့ခိၪဒိၪ Bp.စောနောဧ, Bp.ရေမွန် ဝေလင်းထွန်းႇ ပြည်ဆၧအီၪကီၪ့ ၥၫ့ခိၪဒိၪ Bp.ပီတာတင်ဝေ ဒဲ ၥၫ့မုၥၫ့ခၫလဖၪ ဂဲၫထၪ့ဖ့ၪဂဲးဖ့ၪဘၭဝ့ၫလီၫႉ မွန်ဆီညှော် စောဖရန်စစ်နီၪ စံၭဝ့ၫဒၪ “အခံၫ့ယံၭယံၭအဖၧၩ့ ကၫဒံၫနဲၫဂဲၫထဲၩ့ ဖ့ၪဆၧၫ့လၩ့ၥၭ လၧမိဆၧအီၪကီၪ့အဂးယီၩနီၪ မွဲလၧဆၧဆူနဲၩ အခိးအတၩကမံၩ့အဂဲးနီၪလီၫႉ” လကၭဘၪ ထံၭလၩ့လီၩထဲးဝ့ၫလၧ ဆၧဝံ၇ဒဲ ကၫဒံၫနဲၫအဂဲးဘဲၫယီၩအၥိၭဒံၭလီၫႉ ကၫဒံၫနဲၫအၥၭအီၪ ၅၇နံၪ့နီၪ ကဲၪထၪ့ဘၪ ဝံးတခိၩ့ၥၫ့ခိၪ ဒိၪကဂၩဂီၩ့ အၥၭအီၪ ၆၇နံၪ့အခံၫ့နီၪ ကဲၪထၪ့ထဲၩ့ဘၪ ခးပယၩ့ကၫဒံၫနဲၫအဆိၪထုၬကဂၩအဂဲး နီၪလီၫႉ

လကၭဘၪ မွန်ဆီညှော် အန်ဒရီးယား ဖယ်ရန်တေနီၪ ဖီလၩ့ ၥၫ့ဎွၩဒိၪလ့ၫအိၫ ၥိၫ့စိၩ လံၬဆိၫ့ဂ့ၩဆိၫ့ဘွၩနီၪလီၫႉ လၧလံၬဖၧၩ့နီၪ ခးပယၩ့ၥိၪဖိၪၥံၪအဂး ကၫဒံၫနဲၫ ဂဲၫထဲၩ့လ့ၩခိၪလ့ၩ နါထၬဝ့ၫအဂဲးလဖၪနီၪ ၥၫ့ဎွၩဒိၪအၪ့အူၭထၬနီၪလီၫႉ“ ဆၧအီၪဖျဲၪမုနံၩလဖၪနီၪ မၩၥၫ့ထၪ့ထဲၩ့ အ့ၪပၧၩ ပဆၧဆူနဲၩလဖၪအဂဲး ကွ့ၭလၩ့ထၬဝ့ၫလီၫႉ အီၪဖျဲၪမုနံၩဆါ ကၫဒံၫနဲၫ ချားလ်စ်မောင်ဘို နီၪစံၭဝ့ၫဒၪ “လၧယဆံၭဆံၭအိၩ အ့ၪယဎိၩ ထၪ့ကကၠၪ ယမိကဲၪဘၪယၥၭ ၥၫ့ခၫကဂၩအကၠီၩ့ ယထံၭလၩ့ဆၧမၩဘိၪ့လဖၪ မုကိနွံၫဒ့ၭႉ ထီးလၧ မုဆၫကနံၩယီၩကကၠၪ လၧကဆါယွၩအအီၪ ယန့ဘၪထဲၩ့အခိးအတၩလဖၪနီၪ အၪနဲၪ့ ယအၪ့ကံၩ့ဘၩဆိၪဖၪထၬလဖၪဒံၭနီၪလီၫႉ ဆၧနီၪအကၠီၩ့ နၥံၪနးဆ့ စီၪဆံၭဘၪ ဆၧအဆံၭခိၬ ဖိၪ လဖၪနီၪလဂ့ၩႉ လၧမိဆၧအီၪကီၪ့အဂးႇ လၧပထံၫခးအဂး ဒဲ ယဂးဆ့ ဆုးထဲၩ့ အၪ့ကံၩ့ဘၩ ဆိၪဖၪအ့ၪပၧၩဒၪလူၬႉ” အဂဲး လီၩဝ့ၫဘဲၫနီၪလီၫႉ မံဆၩဆၧလုထၪ့ဂီၩ့ဝ့ၫဒၪကကၠၪ ၦၡၩအၪ့ကံၩ့ဘၩဆိၪဖၪအ့ၪ ကၫဒံၫနဲၫအဂးဂီၩ့ ၦၡၩဖ့ၪ လၫ့ထဲၩ့ လၬဆီၪ့လဖၪနီၪလီၫႉ ဂီၩ့ကကၠၪ အၪ့လၩ့ဎိၭကၠၭ မုဂၫဆၧအၪ့ဂီၩ့ အီၪပထုၬခွံၬ ဆၧအီၪ ဖျဲၪမုနံၩ ဆၧထံၫလၩ့ဒီၪလၩ့လဖၪနီၪလီၫႉ