အောက်တိုဘာလ ၂၉ရက်နေ့ သမ္မာကျမ်းစာထောက်ရှုချက်
—————————————————————-
စလုကၭ (၁၃:၂၂-၃၀)
—————————–
တရၫ့လၧအအံၪ့.
အဝ့ၫဒၪလ့ၩဝ့ၫလၧဒိၩ့ၥံၪ, တဝၫ့ၥံၪထူထူတၭ, ၥီၪ့ထဲၩ့ၥၫ့ထဲၩ့ဆၧ, လ့ၩဝ့ၫလၧယရုစလံၫ့ အဖၧၩ့ၥၭနီၪလီၫ. ၦလဂၩစံၭအဝ့ၫ, ကဆါဧ့, ၦလၧအထီၩ့ဝ့ၫလၧ ဆၧထိးထဲၩ့တၩ့ထဲၩ့အလးနီၪ, မွဲအၡၩခိၬဂၩဆ့ဧၪ. အဝ့ၫဒၪစံၭဝ့ၫ, အၪ့ဂူၬလ့ၩနုၬလၧတရၫ့အအံၪ့ဆံၭ. အဂဲးဘဲၫယီၩယလီၩဘၪနၥံၪ, ၦအၪဂၩမိအၪ့ဎၬ နုၬဝ့ၫတၭ,နုၬဝ့ၫၥ့ၪအ့ၬ.- ထီးဂံၪ့ကဆါဂဲထုၪ့ ကၭဘံၭထၬတရၫ့နီၪ, နၥံၪမိဆၧၫ့ထုၪ့လၧခီၫ့,ဒိၪထိၬတရၫ့တၭ,မိစံၭနၥံၪဝ့ၫ,ကဆါဧ့,ကဆါဧ့,ဝဲထၪ့န့ပၧၩဘီၪ. အဝ့ၫဒၪချဲၩ့ဆၧၫ့ဆၧတၭ,မိစံၭနၥံၪ,နၥံၪဂဲၫလၧအလး ခီၫခီၫလဲၪနီၪ,ယၥ့ၪယၫအ့ၬ.- ထီးနီၪလဖၧၫ့နၥံၪမိစံၭ, ပဝ့ၫဒၪယီၩ, ပအၪ့ပအီၩယူၭ ဆၧလၧနမ့ၬယၫတၭ, နၥီၪ့ထဲၩ့ၥၫ့ထဲၩ့ယူၭ ဆၧလၧပဖၧၩ့ၥၭဖၧၩ့ယူၭ.- အဝ့ၫဒၪမိစံၭဝ့ၫ,ယလီၩဘၪနၥံၪ, မွဲနၥံၪဂဲၫလၧအလးခီၫ ခီၫလဲၪနီၪ,ယၥ့ၪယၫအ့ၬ. နၥံၪမၩဆၧအၧၩ့ထီးအ အလူၬၥံၪဧ့,စဲၪ့ဖၭလၧယၧၩဆံၭ.- ထီးနၥံၪအ့ၪဒၪဘၪ စအၫဘြဟၫ့,စအံစၭ, ဒဲစယၫကူၭ,ဒဲမီၪၥံၪထီးအလူၬ အီၪလၧယွၩအဘၩ့အမုးအဖၧၩ့နီၪ, နၥံၪဝ့ၫဒၪယီၩ နၥံၪမိဘၪဆၧနၫ့ထၪ့ခွံၬနၥံၪဝ့ၫလၧခီၫ့တၭ, ဆၧဘၪဂၪ့ဆၧဘၪယၧၩ့ဆၧခၪအဲၪ့ထံး ဆၧမဲၪအဲၪ့ဎံၬနီၪ မိအီၪဝ့ၫထီးနီၪလီၫ.- ၦမိဂဲၫလၧမုနုၬ,လၧမုထၪ့,လၧ မုဖၩ,လၧမုခံၫ့တၭ, မိဆၧၫ့နၩ့ဒံၩ့ခံၫ့လၧစပွဲထံၭလၧ ယွၩအဘၩ့အမုးအဖၧၩ့လီၫ.- ယိခွါ, ၦအီၪလၧခဲၫ့လဖၪနီၪ, မိအီၪထၪ့ဝ့ၫလၧယၫဒဲၦအီၪလၧယၫလဖၪ နီၪ,မိအီၪထဲၩ့ဝ့ၫလၧခဲၫ့လီၫ.
