စလုကၭ (၁၃:၁၀-၁၇)

ယ့ၫၡုၬမၩဘျၪထဲၩ့ ၦမုၪလၧအီၪကူၭလၩ့အၥၭ လဂၩလၧမးၥံၫနံၩ. ——————- လၧမးၥံၫအနံၩလနံၩနီၪ, အဝ့ၫဒၪၥီၪ့ထဲၩ့ၥၫ့ထဲၩ့ ဆၧလၧၥရိၬလဖျိၪ့အဖၧၩ့,- ယိခွါ, ၦမုၪလၧဆၧနၪ အီၪလၧအလီၩ့, ဘၪဆၧနၭဆၧၡၪ့လဆံၫဎိၭနံၪ့လီၫ. အီၪကူၭလၩ့ဝ့ၫတၭ, စီၪ့လီၩ့ထၪ့အၥၭ ကဲၪလါလါအ့ၬ.- ယ့ၫၡုၬဒၪဘၪအဝ့ၫနီၪ, ကိၭထဲၩ့ဝ့ၫလၧအအီၪတၭ,စံၭအဝ့ၫ,ၦမုၪဧ့, နဆၧဆၫဘျၪထဲၩ့iယူၭ.- အီၪက့ၪအစူၪလၧအလီၩ့တၭ, အဝ့ၫဒၪစီၪ့လီၩ့ထၪ့အၥၭချဲၫ့မၬတၭ, စံၭထၪ့အၪ့အူၭယွၩလီၫ.- ယ့ၫၡုၬမၩဘျၪထဲၩ့ဆၧလၧမးၥံၫအနံၩအကၠီၩ့နီၪ ၦၥရိၬအခိၪအၥၭထၪ့ဝ့ၫနီၪ, ချဲၩ့ဆၧၫ့ဆၧတၭ, စံၭၦခမျၧးနီၪ ၦကြၨၭမၩဆၧအနံၩ အီၪဎူၫနံၩလီၫ. မၩအၥၭဘဲၫနီၪတၭ, လၧအဝ့ၫၥံၪအနံၩအထးဖၧၩ့နီၪ, ဂဲၫဒိၭမၩဘျၪထဲၩ့ဆၧဆံၭး- လၧမးၥံၫအနံၩနီၪမွဲအ့ၬ. မၩအၥၭဘဲၫနီၪတၭ, ကဆါချဲၩ့ဆၧၫ့ဆၧတၭ စံၭအဝ့ၫ, ၦအၪ့လီၫဆၧၥံၪဧ့, နၥံၪဝ့ၫဒၪလဂၩလါလါနီၪ, နၥံၪအချီဂ့ၩ, နၥံၪအကၥ့ၪယီၩ့ဂ့ၩ,နၥံၪကွဲၪဖျါလၧအလးတၭ, လ့ၩမီၩ့ဒုၭအီၩဝ့ၫလၧထံၫလၧမးၥံၫအနံၩမွဲအ့ၬဧၪ.- ၦစအၫဘြ ဟၫ့အဖိၪမုၪလၧမုၪခီၩလဲးစၧၩ့ထၬအဝ့ၫ, ယိခွါ,လ ဆံၫဎိၭနံၪ့ယၫလဂၩယီၩ, ဘၪဆၧကွဲၪဖျါခွံၬ လၧအ ဆၧစၧၩ့ထၬလၧမးၥံၫအနံၩoနီၪ, မွဲလဘၪဘၪဆ့ဧၪ.အဝ့ၫဒၪချဲၩ့ဆၧလဖၪနီၪတၭ, အဒုၪအဒၩၥံၪထီးအ လူၬအမ့ၬမဲတၭ, မွဲကယဲဆၧဂ့ၩဆၧဘၪလၧအမၩအ ၥၭလၧအစူၪဖၧၩ့အကၠီၩ့နီၪ, ၦခမျၧးၥုၪ့ထိၬၥၭထိၬ ထီးအလူၬလီၫ.

#rvapwokaren