မုကိနံၩဆၧၥၭထိၬပရၧၫ့

ဆၧနၪၥ့ၪဆၧၫ့ထီ

စလုကၭ ( 12:54-59 )

အဝ့ၫဒၪစံၭၦခမျၧးၥံၪ,ထီးနၥံၪဒၪဘၪဆၧအုၪ့ထၪ့လၧမုနုၬတၭးနၥံၪစံၭချဲၫ့မၬလၧဆၧမိဂဲၫဆၧၩ့တၭ,ဆၧမၩအၥၭဘဲၫနီၪလီၫ.ထီးလံၩဂဲၫလၧမုခံၫ့တၭနၥံၪစံၭလၧဆၧမိခိတၭ,ဆၧမၩအၥၭလီၫ.ၦအၪ့လီၫဆၧၥံၪဧ့,ဂၪ့ခိၪဒဲမူၭခိၪအမ့ၬနီၪ,နၥံၪယိနဲၪ့ၥ့ၪလီၫ.အ့ၪမွဲအမုအလၩဘိၩ့နဲၪ့ယီၩ,မွဲဘၪနီၫလၧနၥံၪလယိနဲၪ့ဘၪနီၪလဲၪ.မၩဘၪလိၬနၥၭလၧနဒုၪနဒၩ.ထီးဒၪနၥံၪအၥၭနၥံၪဝ့ၫဒၪယီၩမွဲဘၪနီၫလၧနၥံၪလစ့ၩရၫ့ဘၪလၧအတီၩအလီၩ့နီၪလဲၪ.ထီးနအ့ၪလ့ၩဆၧလၧဖၧၩ့ၥၭလၧနဒုၪနဒၩအၥိၭလၧၦဒိၪအအီၪတၭ,ဘဲၫၥိၭနမိဂၭဖျ့ၭလၧအဝ့ၫနီၪတၭ,အၪ့ဂူၬမၩဘီၪ.အ့ၪလမွဲဘၪတၭ,အဝ့ၫမိဖ့ၪလၫ့နၧၩလၧၦစ့ၩရၫ့ခွးတၭ,ၦစ့ၩရၫ့ခွးနီၪမိဖ့ၪလၫ့ထဲၩ့နၧၩလၧၦအၪ့ကံၩ့ဆၧအခိၪတၭ,ၦအၪ့ကံၩ့ဆၧအခိၪမိအီၪက့ၪလၩ့နၧၩလၧထီၫ့ဖၧၩ့လီၫ.ယလီၩဘၪနၧၩ, ထီးလၧအထုၬလဘံၪ့နီၪ, နလချႃၭလိၭထူၬခွံၬဒံၭဘၪတၭ, နစဲၪ့ထၪ့ခွံၬ ဘၪထီးနီၪအ့ၬ