29 နွ့ၫလနွ့ၫမုအီၪပွံၭနံၩဆၧၥၭထိၬပရၧၫ့
Fr.Peter စအဲၪခးစ့ၩ
ဆၧချဲၩ့ဒီၩ့လၩ့,ၦမုၪမဲၪဒဲၦစ့ၩရၫ့ခွး
စလုကၭ ( 18:1-8 )
ဘဲၫၥိၭၦၡၩမိဘၩဆိၪဖၪဆၧလထံၪဎးဘီၩ့ဎးတၭ,ထီးအီၪက့ၪလၩ့ဆါအၥၭလဂ့ၩနီၪ,မွဲအလီၩထဲၩ့အဝ့ၫၥံၪလၧဆၧချဲၩ့ဒီၩ့လထံၪယီၩ,ၦစ့ၩရၫ့ခွးလၧအလၥၭမဲၪဘၪယွၩဒဲလယူၭလယၪ့ဘၪၦၡၩအီၪလၧဒိၩ့လဖျိၪ့အဖၧၩ့လဂၩလီၫ.ၦမုၪမဲၪအီၪလၧဒိၩ့နီၪအဖၧၩ့လဂၩတၭ,လ့ၩလၧအအီၪစံၭဝ့ၫ,စ့ၩရၫ့တီၩန့ယၧၩလၧယဒုၪယဒၩဆံၭ.- အဝ့ၫဒၪလစ့ၩရၫ့ဘၪနီၪ အီၪဝ့ၫလယံၬလမီဘၪတၭး လၧခဲၫ့ထဲၩ့စံၭလၩ့အၥၭ, ယဝ့ၫဒၪယီၩ, ယလၥၭမဲၪဘၪယွၩ, ယလယူၭလယၪ့ဘၪၦၡၩလါနၫ့ဘိၩ,မွဲလၧၦမုၪမဲၪလဂၩ မၩထံၬထၬ ယၧၩအကၠီၩ့တၭ, ယမိစ့ၩရၫ့တီၩန့အဝ့ၫဘဲၫၥိၭအထီး မၩပွံၭယၥၭ လၧအဆၧဂဲၫကိၭအဆၧၫ့အထီဒ့ၭအကၠီၩ့နီၪလဂ့ၩလီၫ.ကဆါစံၭဝ့ၫ,ၦစ့ၩရၫ့ခွးလၧအလတီၩဘၪလဂၩစံၭဆၧနီၪခိၭနၪနၥံၪဝ့ၫဆၭ,ယွၩအီၪလါနၫ့ယံၬယံၬနီၪ,မိစ့ၩရၫ့တီၩန့အခ့ၫအၡၩလၧအရွံန့ဝ့ၫလၧအကိၭထၪ့အဝ့ၫလၧမုနၩနၩလၧမုဆၫဆၫနီၪ,မွဲအ့ၬဧၪ.ယစံၭ နၥံၪလၧအမိစ့ၩရၫ့တီၩန့အဝ့ၫၥံၪချဲၫ့ချဲၫ့လီၫ.မွဲလါ နၫ့ဘိၩ,ထီးၦၡၩအဖိၪခွၫယီၩဂဲၫလၩ့တၭ, မွဲအမိဒၪ န့ဆၧနဲၩလၧဂၪ့ခိၪချိၫ့ဆ့ဧၪ.
