စလုကၭ (၁၂:၁-၇)
ဆၧဒုၭထီးလၩ့ထၫ့ဒၩၦလၧအကျဲၩ့မၩဂ့ၩအၥၭ. — ထီးနီၪလဖၧၫ့ၦခမျၧးအလၬလဖၪ အီၪကိၩ့အီၪကီၪ့ ဝ့ၫဒၪထီးအယဲးဘၪလိၬအၥၭတၭ, အဝ့ၫဒၪလီၩဘၪဆိၫအထံၩအဖျဲၥံၪ, ထီးလၩ့နၥံၪအၥၭ လၧၦဖၫရစံၫအမံၪ,ဘဲၫၦစံၭဆၧအၥိၭ, ဆၧအၪ့လီၫနီၪဆံၭ.- ဆၧ လၧအဘၪဆၧချႃၬဘံၭထၬဝ့ၫနီၪ, လမိအီၪဖျီၪထၪ့ဘၪတၭ,အီၪဝ့ၫနးမံၩ့အ့ၬ, ဆၧလၧအဘၪဆၧအီၪ က့ၪၥူၪခွံၬဝ့ၫနီၪၦလၥ့ၪယၫဘၪတၭ အီၪဝ့ၫနးမံၩ့အ့ၬ.- မၩအၥၭဘဲၫနီၪတၭ, ထီးဒၪနၥံၪလီၩထဲၩ့ဆၧ လၧဆၧခံၭကျၩလဖၪနီၪ, ဆၧမိနါဂၧၫ့ဝ့ၫ လၧဆၧဖၩ့အကျၩလီၫ. နၥံၪချဲၩ့ဆၧလၧၦအနါဖၧၩ့ လၧဒူၭဖၧၩ့ နီၪ, ဆၧမိလီၩဘၪကိၭၡၭထၪ့ဝ့ၫ လၧဂံၪ့ခိၪလီၫ. ယထံၩယၥိၭဧ့, ယစံၭနၥံၪ,ၦၡၩၥံၪလၧအမၩၥံၫ ပမိၡါတၭ,လၧခဲၫ့ထဲၩ့ မၩဝ့ၫလၥ့ၪလၧၩ့ဘၪနးမံၩ့နီၪ, ထီးၥၭမဲၪအဝ့ၫလဂ့ၩ.- အ့ၪမွဲနၥံၪကြၨၭၥၭမဲၪပလၫ လဂၩလဲၪနီၪ,ယမိဒုၭနဲၪနၥံၪလီၫ. ၦမၩၥံၫဆၧအလးခဲၫ့တၭ,ခွံၬလၩ့ဝ့ၫလၧလရၬဖၧၩ့ၥ့ၪလဂၩနီၪၥၭမဲၪအဝ့ၫနီၪဆံၭ. မွဲမၬ, ယစံၭနၥံၪ,ၥၭမဲၪအဝ့ၫနီၪဆံၭ. ၦအၪ့ဆၫထိၪဎွံၭယဲဘံၪ့ လၧထီးနံၫဘံၪ့မွဲအ့ၬဧၪ. ဆၧၥၭနၪ့အဝ့ၫၥံၪ လၧယွၩအမ့ၬယၫနးဘံၪ့အ့ၬ.- နၥံၪအခိၪၥူၫအဘီၩ့ဒၪလ့ၬနီၪ, ဘၪဆၧဝံထၪ့နၬထၪ့ဝ့ၫထီးအလူၬလီၫ.မၩအၥၭဘဲၫနီၪတၭ, နၥံၪထီးၥၭမဲၪဆၧလဂ့ၩ, နၥံၪဂ့ၩနဲၪ့ဒံၭထိၪဎွံၭအခမျၧးနီၪလီၫ.
