ဒၫဝံၭဖိၪအဆၧမၩဆၧၩ့

ဒၫဝံၭယီၩ ဒၪဘၪဖံၫလၧ ဘၪကၪဘၪဂဲၩကဂၩနီၪ ခိၭမၬခိၭမၬနီၪလီၫႉ ဖံၫယီၩကနံၩနံၩ ဘၪယိၭန့ အဆၧဘီၪ့လဖၪနီၪ ဆၧကၪဆၧဂဲၩအီၪအၪမၬနီၪ စဒၫဝံၭယီၩ ဒၪဝ့ၫနီၪလီၫႉ အဝ့ၫယီၩနီၪ အၥၭဆံၭဒၪလါနၫ့ ကမိလီၩ့မၩဆၧၩ့ၦၡၩ အၥၭလုအီၪအၪမၬလ့ၬနီၪလီၫႉ

ဆၧနီၪအကၠီၩ့ အဝ့ၫယီၩ ထဲၩ့ယိၭဆၧၩ့အ့ၪဖံၫနီၪ အဆၧဘီၪ့လဖၪ ခိၭမၬခိၭမၬဒ့ၭနီၪလီၫႉ အဝ့ၫယီၩ ယိၭဆၧၩ့အ့ၪဖံၫအဆၧဘီၪ့လဖၪအခံၫ့ ဆၧပွံၭအၥၭလါနၫ့ ဆၧမုၬအၥၭအၪမၬလ့ၬနီၪလီၫႉ ဖံၫနီၪဆ့ စံၭဘၪ စဒၫဝံၭဖိၪနီၪ “ဖိၪၥၪခိၭနၧၩယီၩ အီၪဝ့ၫဒၪအကၠီၩ့ ယစံၭခိးစံၭတၩဘၪကဆါယွၩအၪမၬလီၫႉ” ဘဲၫနီၪလီၫႉ စဒၫဝံၭဖိၪနီၪဘိၭ မၩဆၧၩ့ဘၪၦၡၩအကၠီၩ့ အၥၭဎွံၪဒိၪမၬလ့ၬနီၪလီၫႉ

စယ့ၫရမဲအၫ (၁:၇)

အ့ၪမွဲကဆါယွၩစံၭယၧၩႇ ယမွဲဖိၪၥၪဒံၭနီၪႇ ထီးစံၭလဂ့ၩႉ အဂဲးဘဲၫယီၩ နမိဘၪလ့ၩလၧ ကယဲၦလၧ ယအၪ့မၧၫ့လၩ့န့နၧၩ အအီၪတၭႇ နမိဘၪလီၩဆၧ လၧယမၪလူၬနၧၩ ကိၭအမံၩ့ဒ့ၭလီၫႉ