ဟၫ့နၫအဆၧတီၩဆၧလီၩ့

ဒီၩ့လၩ့ ၂၂:၆

ၥိၫ့ဖိၪၥၪလၧအဖၧၩ့ၥၭကြၨၭဆံၭႉ ထီးအၥၭၡါထၪ့နီၪ မိကၠၪခွံၬအၥၭအ့ၬႉ

ဟၫ့နၫနီၪ ဒိၭစ့ၭလံၬအထီ အဝ့ၫၥၭနၪ့ဆၧစံၭဆၧၫ့ကနၩ့နၩ့နီၪလီၫႉ

အနီၪအခၫ လၧအဝ့ၫအနဲၩ့နီၪ ဆၧစံၭဆၧၫ့လံၬဘျံၭ အီၪဝ့ၫဒၪကဘျံၭနီၪလီၫႉ အဝ့ၫယီၩအ့ၪမွဲအၪ့ဂူၫယိဆူၭဝ့ၫဂီၩ့ ကွ့ၭလၩ့ဝ့ၫနီၪန့လီၫႉ ဆရၫမုၪဒၪအဝ့ၫအ့ၬႉ

လါနၫ့အဝ့ၫယီၩ အၪ့ဎၬထၪ့ဆၧကဆိဖိၪကကၠၪ နၪ့ထၪ့ထဲၩ့လၧ အမိအဖါၥံၪ ၥီၪ့ထၬ အ့ၪအဝ့ၫ လၧဆၧကိၭမံၩ့အဖၫ့ခိၪ ကဘၪအီၪတီၩတီၩလီၩ့လီၩ့အဂးနီၪလီၫႉ

အနီၪအခၫအဝ့ၫယီၩ လယိလၧၩ့ဘၪ ဆၧစံၭဆၧၫ့လဖၪနီၪဂီၩ့ လၧအဝ့ၫဂဲၫဖီထၬလဖၪအဖၧၩ့ နၪ့ထၪ့ဝ့ၫဒၪလဖၪနီၪ ကွ့ၭလၩ့ဝ့ၫဒၪနီၪလီၫႉ

အဝ့ၫယီၩ ဒိၭစ့ၭလံၬဂီၩ့ဝ့ၫကကၠၪ မံၪ့ၥုၪ့မံၪ့ၥၭလၩ့အၥၭအၪမၬ လ့ၬနီၪလီၫႉ အဝ့ၫယီၩ လန့ဘၪ ဆၧစံၭဆၧၫ့အဆၧဝံဆၧနၬ အဂ့ၩထုၬလါနၫ့ဂ့ၩ လၧဆၧတီၩဆၧလီၩ့အဖၧၩ့ အဝ့ၫယီၩ ဂဲၫထဲၩ့စံၭဆၧၫ့ထၬလံၬအကၠီၩ့နီၪ ဖ့ၪလၩဖ့ၪဖၩ့လၩ့ဘၪအၥၭနီၪလီၫႉ