မုကိနံၩဆၧၥၭထိၬပရၧၫ့

Rev.Msgr.Pius Win Than

စၥၭဎွံၫ

ၦနွ့ၫဆံၫဂၩအဆၧဂဲၫထဲၩ့ထဲၩ့.

ၦနွ့ၫဆံၫနီၪဂဲၫထဲၩ့ထဲၩ့ဝ့ၫ လၧအၥုၪ့ထိၬအၥၭထိၬ တၭစံၭဝ့ၫ,ကဆါဧ့, မွဲလၧနမံၩ့အဖၧၩ့တၭ,ဆၧနၪလ ဖၪဒၪလ့ၬ အီၪလၧပဖၫ့လၬလီၫ.အဝ့ၫဒၪစံၭအဝ့ၫၥံၪ, ဘဲၫလၫ့ဝဲအဒံၭအၥိၭနီၪsယဒၪမုၪခီၩလဲးလၩ့ထ့ၬ

ခွံၬလၧမူၭခိၪလီၫ.ယိခွါ,ယဖ့ၪလၫ့နၥံၪအစီၩ့အမၩ့ ဘဲၫၥိၭနၥံၪမိယဲးဂူၥံၪ, ဒဲဆၧကဲၪ့မ့ၥံၪ,ဒဲလၧဆၧဒုၪ ဒၩအစီၩ့အမၩ့ ထီးအလူၬအဖၫ့ခိၪလီၫ. ဆၧမၩၡၪ့မၩနၭနၥံၪနးမံၩ့အ့ၬ.မွဲလါနၩ့ဘိၩ မွဲလၧဆၧနၪအီၪ လၧနၥံၪအဖၫ့လၬတၭ,နၥံၪထီးၥၭထိၬလၧ ဆၧနီၪလ မံၩ့အကၠီၩ့လဂ့ၩး အ့ၪမွဲနၥံၪအမံၩ့ဆ့ၭလၩ့ အၥၭလၧ မူၭခိၪအဖၧၩ့အကၠီၩ့တၭ, ၥၭထိၬဆံၭ.လၧနၩရံၩထီးနီၪ ယ့ၫၡုၬၥုၪ့ဎွံၫၥၭယီၫတၭ, စံၭဝ့ၫ ဒၪ,မူၭခိၪဒဲဂၪ့ခိၪအကဆါ, ဖါဧ့, ယစံၭထၪ့အၪ့အူၭ နၧၩလီၫ. အဂဲးဘဲၫယီၩဆၧလဖၪယီၩနအီၪက့ၪၥူၪခွံၬ လၧၦကိၪ့ဆၧၥ့ၪ, ဒဲလၧၦအၥုၪ့ဆၭ အၥၭဆၭလဖၪ အမ့ၬယၫလါနၫ့တၭ, နမၩဖျီၪထၪ့လၧဖိၪၥၪၥံၪအမ့ၬ ယၫလီၫ. မွဲယူၭ,ဖါဧ့, မွဲအဘၪနၥၭဘဲၫနီၪအဂဲးလီၫ.ယဖါဖ့ၪလၫ့ယူၭယၧၩလၧဆၧထီးအလူၬယူၭ. အ့ၪလမွဲဘၪဖါတၭ, ၦၥ့ၪယၫဖိၪခွၫနးဂၩအ့ၬ. အ့ၪ လမွဲဘၪအဖိၪခွၫ ဒဲထီးဒၪၦလၧအဖိၪခွၫ မိဒုၭနဲၪဖျီၪ ထၪ့ဝ့ၫလဂၩဂၩနီၪ, ၦၥ့ၪယၫဖါနးဂၩအ့ၬ. အဝ့ၫဒၪကၠၪစိၩအၥၭ လၧအထံၩအဖျဲၥံၪအအီၪ တၭ,စံၭၥူၪဝ့ၫ, ၦအမ့ၬလၧအဒၪဆၧဘဲၫနၥံၪဒၪဘၪအၥိၭနီၪ,အီၪမုၬဝ့ၫဒၪလီၫ.- အဂဲးဘဲၫယီၩယစံၭနၥံၪ,မီၪ ၥံၪဒဲစဎွၩၥံၪအၪဂၩမိဒၪဘၪအၥၭလၧ ဆၧလၧနၥံၪ ဒၪဘၪနီၪ,ဒၪဘၪဝ့ၫအ့ၬ. ဆၧမိနါဂၧၫ့ဘၪအၥၭဆၧ လၧနၥံၪနါဂၧၫ့နီၪ, နါဂၧၫ့ဘၪဝ့ၫအ့ၬ.