ၦဆံၫ့ဎံၪ Isidore အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Isidore အဂဲးအကၠီၩ့နီၪလီၫႉ ၦဆံၫ့ဎံၪ Isidore ယီၩအီၪဖျဲၪလၧခး Spain ဂီၩ့ အဝ့ၫယီၩမွဲဝ့ၫဒၪ ၦမၩဆံၭဖိၪအဖိၪခွၫကဂၩနီၪလီၫႉ အဝ့ၫၥံၪအဂံၪ့ဒီၪ့နီၪ ၡၪ့အၪမၬဒ့ၭအကၠီၩ့နီၪ ၦဆံၫ့ဎံၪ Isidore ယီၩခီၫလၧ ဖိၪၥၫအခံၫ့ဒၪအိၩ ဘၪလ့ၩမၩဆၧမၩလၧ ၦကဲၪဒိၪကဲၪမုၥံၪ ဆံၬဖၧၩ့ နီၪလီၫႉ လယံၬလမီးဘၪထၪ့ၡါဂီၩ့ အဖိၪခွၫန့ကဂၩနီၪလီၫႉ လၧခဲၫ့နီၪ အဖိၪခွၫၥံၫဖီၩ့ခွံၬဒၪအဝ့ၫနီၪလီၫႉ ၦဆံၫ့ဎံၪ Isidore ယီၩ န့ထၪ့ဘၪဆၧန့ၥၫလၧ အမိမိဖါဖါၥံၪ အီၪအကၠီၩ့နီၪ အဝ့ၫယီၩ အီၪလၧယွၩလူၬယွၩထၫၥ့ၪအၪမၬဒ့ၭနီၪလီၫႉ အဝ့ၫယီၩမုကိၭနံၩ လ့ၩမံၭဆၩဆၧလုထၪ့ ဆံၫ့ဎံၪဂီၩ့ လ့ၩစဲၪလၩ့ဆၧမၩဖၧၩ့နီၪလီၫႉ
ၦဆံၫ့ဎံၪ Isidore ယီၩ ယၫ့ၥုၪ့ယၫ့ၥၭ ၦၡၪ့ဖိၪၥံၪဒဲ ဆၧဖိၪဆၧဎါၥံၪ အၪမၬဒ့ၭနီၪလီၫႉ ဆၧနီၪအကၠီၩ့ လ့ၩဖ့ၪအ့ၪ ဆၧဖိၪဆၧဎါၥံၪ ဆၧအၪ့ဆၧအီၩ့ကိၭနံၩအကၠီၩ့နီၪ ဆၧဖိၪဆၧဎါၥံၪ အဲၪအဝ့ၫအၪမၬဒ့ၭနီၪလီၫႉ အဝ့ၫအီၪၥၭမၧၫ့ထီၫ့ဘီၩ့ယၫနီၪ အီၪလၧပၩရမံၫအၪမၬဒ့ၭဂီၩ့ နံၪ့ ၁၁၃၀ လၩမ့ၫ ၁၃ ၥၫ့နီၪ ၥံၫဖီၩ့ခွံၬဝ့ၫဒၪနီၪလီၫႉ ၦဆံၫ့ဎံၪ Isidore ယီၩ မွဲဝ့ၫၦမၩဆံၭဖိၪ ကဂၩႇ လကၭဒ့ၭဘၪ ဆူၩနဲၩကဆါယွၩအၪမၬဒ့ၭဂီၩ့ ၥံၫဖီၩ့ခွံၬအခၫ ၦမၩဆံၭဖိၪၥံၪ ဘၪဒိၭနဲၩၥၭ ကဲၪထၪ့ ၦဆံၫ့ဎံၪ ကပၩနီၪအကၠီၩ့ ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩ ဎိၩဒိၪဖၧၩ့နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬႇ မွဲနၥံၪလၧၫ့ဎွ့ၩဝ့ၫၪလၧ ကဆါယွၩ အဆၧအဲၪဆၧကွံၩလါဆံၭႉ
